一寿司 (已結業)

元旦晚上響旺角，經過雅蘭，諗住食幾件壽司醫肚。結果稍一不慎入左一壽司。記得10年前初試黑夜壽司，好有驚喜。今晚8點半左右一到，見居然唔駛排隊，就滿心歡喜試下。原來宜家黑夜壽司由6點開始……一入內見大把位，可惜大位都要你搭檯。點了最貴價的壽司: 吞拿魚腩，鵝肝，大帆立貝。炸蠔。蟹腳。等了又等，等左20分鐘，同我地同時間落order既鄰檯已經埋單，但我地一碟都未到。最後決定取消order徹退，點知個supervisor 即刻走黎話仲有order。話火炙壽司要炙所以要好耐，吞拿魚壽司要切所以要等。呢啲係咩理由!?我諗佢漏單。但結果佢唔駛一分鐘由廚房拎埋啲壽司出黎。唔通佢地整定晒?一食件火炙，少少微溫都冇。9成肯定係整定……或者你會話:有半價唔好奢望咁多食物質素。ok。咁至少我有俾加一，漏單遲上都會講句sorry。俾錢時都會講句多謝卦?食物質素一般，0服務，又唔係特別平。結論係絕對唔值得去+等執。