方太小鍋米線

營業中

休息中

元朗新開嘅一間米線小店，有幾款主打湯底，配搭比一般米線鋪新穎，今晚一試果然好食。👉🏻潮汕麻辣沙嗲辣度有得選擇，揀咗小辣都好夠味。上枱已經聞到沙嗲香味，湯底少少帶甜，朋友狂飲😋腩肉好大片入味。炸豬扒好受歡迎，我哋好彩食到最後兩份，好香好脆口。👉🏻極濃鮮茄酸菜湯呢款湯都好好味🤤蕃茄嘅酸味啱啱好，唔會太酸太甜。鮮牛肉超級新鮮，又滑溜，豬大腸好稔好入味。米線軟滑得來帶少少煙靭，有幾塊厚身腐皮好正。👉🏻炭燒烏龍奶茶米麻糬（跟餐$15）米麻糬質感軟綿綿，加喺飲品里面好得意，幾乎唔使咬就滑入喉嚨😝