影片
更多
2019-04-12
55 瀏覽
今日男朋友話有人介紹佢食一間好好味既餐廳，起初我都半信半疑，事關"別人推介"既好多都中伏，但今日我試呢間「圓老爺」確確實實地響我心目中奠定何謂真正既小炒，相比起好多廣為人知既大排檔、小菜館以及什麼小炒小菜王，「圓老爺」做既每一道菜與其它相比絕對係有過之而無不及。鑊氣夠、味道好、賣相靚仔，廚師有功架為首要條件，門面做到幾咁冠冕堂皇，味道失色亦無補於事，實實在在咁用心去煮好每一個餸菜，加上服務態度良好，唔怕會無回頭客，我亦將會係回頭既其中一位。酸菜煮新鮮龍躉班球酸菜魚大多數餐廳會使用淡水魚種，好啲既會用到桂花魚，差小小既會用鯰魚、生魚甚至草魚等，偏偏小妹對淡水魚既泥氣味比較抗拒，但又好鐘意酸菜魚既味道，所以好多時都會退求其次地選擇，而今次係我首次食到以海魚去製作既酸菜魚，仲要係龍躉，點菜既時候已經感到萬分驚訝，龍躉的而且確係龍躉，無花無假，分量仲好充足，又膠又厚既魚皮連住嫩滑既魚肉，酸度適中而又鮮甜既湯汁，正宗既味道搭上海魚，我個人心中已經講過無數句好味，下次再想食酸菜魚唔返黎食都唔知可以去邊食！陳醋咕嚕肉咕嚕肉基於會使用肥肉去做，加上經過油炸既關系，普遍食三四件小妹已經會有種又膩又滯既感
鑊氣夠、味道好、賣相靚仔，廚師有功架為首要條件，門面做到幾咁冠冕堂皇，味道失色亦無補於事，實實在在咁用心去煮好每一個餸菜，加上服務態度良好，唔怕會無回頭客，我亦將會係回頭既其中一位。
酸菜煮新鮮龍躉班球
酸菜魚大多數餐廳會使用淡水魚種，好啲既會用到桂花魚，差小小既會用鯰魚、生魚甚至草魚等，偏偏小妹對淡水魚既泥氣味比較抗拒，但又好鐘意酸菜魚既味道，所以好多時都會退求其次地選擇，而今次係我首次食到以海魚去製作既酸菜魚，仲要係龍躉，點菜既時候已經感到萬分驚訝，龍躉的而且確係龍躉，無花無假，分量仲好充足，又膠又厚既魚皮連住嫩滑既魚肉，酸度適中而又鮮甜既湯汁，正宗既味道搭上海魚，我個人心中已經講過無數句好味，下次再想食酸菜魚唔返黎食都唔知可以去邊食！
陳醋咕嚕肉
咕嚕肉基於會使用肥肉去做，加上經過油炸既關系，普遍食三四件小妹已經會有種又膩又滯既感覺，而「圓老爺」咕嚕肉截然不同咁排除左我呢種負面既感覺，反而仲越食越開胃，何解呢？
首先脆漿做得出色，薄薄既一層，不太厚又唔會不夠脆，足夠鎖住肉汁，又無多餘未被炸透既粉殘留於口中。其次就係個甜酸汁，利用陳醋再加上小許既梅子作調教，絕無甜到澀既口感，反而仲多左一份回甘既滋味。
飄香醬海皇雞煲
以雞煲作招來餐廳飯店，經驗話我知離不開都係用大量洋蔥、乾蔥頭、大蒜、芫茜及花椒八角等既香料溝埋一齊，加入大量既油、糖、鹽及味精去浸泡住啲雞，再俾你滾下滾下，由眼耳鼻舌身意都沾滿呢種味道，甚至連雞既味道都可以完全掩蓋埋，坦白講我真係唔知食梗香料定係雞，所以此店招牌寫明主打雞煲，點都要試一下佢地既招牌菜式既，睇下有咩唔同？
雞既份量好充足，配料恰到好處亦都香氣十足，唔會太過死鹹或者甜到漏既感覺，雞肉好多汁而宜好嫩滑，一啲都唔柴，
最後重點強調，雞係有雞味，而小妹亦好清楚係食梗一隻雞
蜜餞金薯牛仔粒
薄薄既一層蜜餞令牛仔粒能夠鎖住肉汁，腍腍既肉質與香濃既油脂渾然一體，加入小許黑椒及芝麻作香味上既點綴，令整個菜式惹味程度更加越級昇華，廚師既心思令小妹十分讚嘆！
張貼
