凱悅海南雞專門店 (已改名) 查看

今日又係我走咗去元朗搵食🐔平時食嘢食到嘴刁左 今日有我嘴刁媽媽帶大家去到元朗一間自家農場繁殖既海南雞專門店🐔呢間店開業兩年幾 係易手經營店黎~凱悅用一個全新嘅面貌 新老闆 新名稱去開業 疫情下開業一啲都唔簡單呀！老闆忙於喺廚房斬雞亦都同客人好好傾 好樂意分享佢嘅烹調心得比客人知🐥佢哋嘅雞，比起一般我哋喺出面食嘅海南雞size會大少少 由於佢哋養殖嘅雞係食粟米大 所以佢哋嘅雞絕對係無激素架！講吓佢嘅佢地既套餐先~每個套餐都會跟一碗紫菜湯 呢碗紫菜湯同我哋平時一般飲到嘅有啲唔同佢哋將切出嚟嘅雞殼/雞骨 去熬製 所以飲出嚟呢碗湯特別濃郁海南雞食落口唔會太肥膩 冇乜肥膏肉質鮮嫩🐔另外我哋仲叫咗話份鹽水鴨飯 食落去嘅口味非常突出 老闆話點少少白醋食 味道仲更加不錯！大家有興趣快啲入嚟元朗試吓啦！