木玥巷 (已結業)

朗屏本地居民～係屋企附近搵好野食。呢間餐廳都幾大，坐得好舒服。食物質素高應該都會經常黎食！琥珀合桃 等小菜到期間可以食住小食先，而且蜜糖甜甜地合桃脆口，即刻開胃哂！首推👍🏻蓮霧甜豆炒蝦球🦐蝦球勁大隻，有炸過少少脆邊，又鮮又彈牙，有d似龍蝦肉。蓮霧有d甜味跟甜豆好夾，既有創意又好味！沙茶牛肉空心菜🐂空心菜加牛肉經典菜式。牛肉唔韌，啖啖肉，而且沙茶味濃好入味！青花椒凍墨魚仔🐙好好味既冷盤！勁多隻墨魚仔，超抵食！花椒味麻多微辣，唔食得辣都可以食!黑糖茉莉花冬瓜茶🥤唔會太甜既冬瓜茶，天氣熱時飲特別解渴！必點！雪糕氣泡焙茶🍦🍵雲呢拿雪糕味既茶，有創意而且好好味！飲完會心卦卦好想再飲！