北京水餃店

營業中

休息中

元朗站📍北京水餃店-呢間上海舖都食左好多年，細細個已經屹立喺巴士站旁邊。酸辣湯麵拼豆漿（$45）呢個酸辣湯麵夠酸夠辣，湯唔會太稀，材料十足，有木耳絲、紅蘿蔔絲、豆腐。麵條唔會太幼，連埋酸辣湯食吸晒d湯😋😋之前食晚餐嗰陣，佢呢個餐貴少少，但係有多三粒餃子🥟食完之後更滿足😎北京煎餃（$22）呢款餃子皮比較厚，餡料係韭菜豬肉，咬落去都仲係好多汁，略略煎香，唔算太香脆，不過都好好味。如果餃子皮薄身少少會更好。牛肉餡餅（$14）呢個牛肉餡餅唔算太熱，暖暖地。餡料有牛肉同埋洋蔥🧅，個人覺得牛肉唔算太多，北京餡餅比較好食（韭菜豬肉餡）。環境方面，環境比較一般，係舊式裝修，但富有濃濃嘅人情味。