方太小鍋米線

營業中

休息中

元朗美食篇今晚去咗方太小鍋米線，舖頭格局好似日本拉麵店，開放式格局，坐bar枱望住師傅淥面。方太家傳糯米酒湯底紅薯粉$55，湯底由豬骨同雞熬製，加入糯米酒，味道帶有微微酒香，糯米酒滋補養生，暖身驅寒，飲完真係暖笠笠。配料豐富有芽菜，鮮腐竹，金菇，蟲草花，雞絲。紅薯粉夠彈牙。配搭惹味炸豬扒$13，外脆內嫩。炸鮮蝦雲吞$10，3大隻好足料，配雞醬食一流。炭燒烏龍奶茶加米麻糬，跟餐+ $15，茶味香濃，奶茶滑順，米麻糬軟糯增添口感。唔知係咪天氣凍，特別多人鍾意食熱辣辣嘅米線，晚市6pm開門，好快坐滿，仲好多人叫外賣。