圓老爺雞煲小廚 (已結業)

入元朗探朋友，唔驚冇飯開，因為元朗實在太多好野食。圓老爺，個名好搞笑，唔知食咩架呢？係門口見到巧手精美小菜，好吸引喎。好，坐底睇下有咩好食先。菠蘿生炒骨，甜酸度控制得好好，生炒骨脆皮又夠熱，咬落仲啖啖肉，唔會粉，正！豉椒炒大蜆，明符其實大蜆，隻隻都厚肉大隻，肉身彈牙多汁。四川麻辣水煮龍躉班球，好有份量，超大碗，龍躉厚肉冇骨，麻辣味幾香，唔錯！不過我好食得辣，如果再辣多少少更完美。食到底仲有紅薯粉，個粉吸左個湯底，好好食啊⋯⋯有肉，當然要有菜啦，金銀蛋莧菜，有d湯，濕濕地，我鍾意食，好過食炒菜，個份量都好足，我同朋友仔，一人食左三碗菜，哈哈！