芭堤雅泰國餐館

營業中

休息中

今次初訪好多元朗人都大力推介既泰國菜：芭堤雅泰國餐館！🇹🇭 餐廳裝潢同其他泰菜餐廳好唔同，小清新白調配上綠色植物，睇落好似一間cafe咁😆當晚weekday全場滿座之餘keep住有人等位，到訪建議book定枱穩陣！🔸香葉紅咖喱魚餅一份有六件魚餅口感彈牙，入口會食到濃濃咖喱同香料既香氣，再沾上少少泰式酸辣醬已經好惹味！🔸燒豬頸肉生菜包性價比極高既一道菜🏅一片片豬頸肉肉同辣椒、蔥花、香料一齊炒，帶辣勁而且口感唔怕油膩，放上生菜度包住食更能中和鹹度，清新又好味🥰🔸炸蛋和牛打拋肉飯當晚Special Menu既新品之一✨打拋係羅勒葉一種，喺泰國菜成日都會用到；呢一個飯就將打拋葉、和牛片、洋蔥同其他香料一齊炒，不同食材香味大爆發，配埋煎蛋同白飯真係食唔停口😍值得一提既係和牛份量超級多，食肉獸都一定滿足到！🔸馬拉盞通菜食泰國菜必點之一，鮮嫩通菜配上鮮味鹹香馬拉盞，係冇得輸既味道🤤