玥

營業中

休息中

元朗除左有新商場Yoho mix開幕，旁邊既交通廣場都翻新左，外牆變得colorful！商場內都有1-2間餐廳，當中最吸引我目光既系呢間餐廳，以新派台灣菜為主，走高檔路線，價錢雖然比同區台灣菜貴少少，但以食物質素同環境都算合理。無花果黑醋骨 $95餐廳推介菜之一，黑醋醬汁夠傑身，味道夠濃，吾會好酸，旁邊放左無花果乾，幾特別既配搭。蜜薑脆鱔 $108個人最鍾意既一道菜，因為鱔無骨，魚肉彈滑，無魚腥味，外面有一層薄薄脆炸過外皮，啖啖肉食得夠滋味。有蜜糖既甜味再放左炸過既薑絲同九層塔，中菜比較少見到既菜式。皮蛋三杯雞 $98用個熱鍋裝住保溫，加左皮蛋既三杯雞，皮蛋好入味，雞肉幾滑，味道亦吾會太咸，幾惹味。鮮蚵手工安格斯牛肉飯 $98佢既做法有啲似台式滷肉飯，不過將豬肉改做牛肉，牛肉好腍，好易咬開，而且比豬肉少啲脂肪，再加埋脹卜卜既蚵仔脹，幾岩我口味。冬桂珍珠奶茶 $28一上枱超大杯既2杯飲品，感覺比平時街買既台式飲品抵飲，桂花烏龍茶底味好香濃突出，珍珠煙韌。春茉珍珠奶茶 $28呢杯以高香茉莉做茶底，茉莉既清香味濃，同樣好飲。每枱會有手工琥珀合桃，琥珀合桃好好食，甜甜地又好脆口。