影片
更多
2024-09-21
1472 瀏覽
生日黎呢間外表似cafe但實質就係間勁高質好味既西餐廳，好彩有book位，唔book真係冇得食🤣好多人呀A. 三文魚籽帶子大蝦龍蝦汁意大利飯$168Ikura & Scallops & Prawns with Risotto in Lobster sauce老闆同我哋介紹話呢個飯係用龍蝦熬啲湯汁出嚟，係原汁原味嘅龍蝦味道，味道鮮香，唔會鹹另外面頭有兩粒帶子同 三隻大蝦，大蝦嘅口感好爽口完全唔係冰鮮蝦，而帶子兩面係煎香咗，口感嫩滑 唔腥，仲有啲大粒嘅三文魚子，整個口感都好豐富 G. 烤西班牙乳豬伴蘋果醬 $308Roasted Spanish Suckling Pig with Apple Puree蘋果醬絕對係解油膩嘅最佳選擇，超級夾，呢個醬好啱女士食另一半話呢個乳豬係連啲傳統酒樓都冇佢整得咁好食，乳豬皮係勁薄脆，中間又有少少脂肪，有油脂唔會話太多 瘦肉位又好腍 好易切 味道真係100分 老闆仲同我哋講呢個大概點整，聽到都覺得勁有心機👏🏻👏🏻芒果蟹肉他他顏色分開三層，最頂係芒果，中間係主角蟹肉，最低嗰層係沙律菜，好有層次食起上嚟芒果味好甜，蟹肉都好鮮甜，老闆話係期間限定 好快就會轉第
A. 三文魚籽帶子大蝦龍蝦汁意大利飯$168
Ikura & Scallops & Prawns with Risotto in Lobster sauce
老闆同我哋介紹話呢個飯係用龍蝦熬啲湯汁出嚟，係原汁原味嘅龍蝦味道，味道鮮香，唔會鹹
另外面頭有兩粒帶子同 三隻大蝦，大蝦嘅口感好爽口完全唔係冰鮮蝦，而帶子兩面係煎香咗，口感嫩滑 唔腥，仲有啲大粒嘅三文魚子，整個口感都好豐富
G. 烤西班牙乳豬伴蘋果醬 $308
Roasted Spanish Suckling Pig with Apple Puree
蘋果醬絕對係解油膩嘅最佳選擇，超級夾，呢個醬好啱女士食
另一半話呢個乳豬係連啲傳統酒樓都冇佢整得咁好食，乳豬皮係勁薄脆，中間又有少少脂肪，有油脂唔會話太多 瘦肉位又好腍 好易切 味道真係100分
老闆仲同我哋講呢個大概點整，聽到都覺得勁有心機👏🏻👏🏻
芒果蟹肉他他
顏色分開三層，最頂係芒果，中間係主角蟹肉，最低嗰層係沙律菜，好有層次
食起上嚟芒果味好甜，蟹肉都好鮮甜，老闆話係期間限定 好快就會轉第二樣 呢個都好出色 大推
西班牙火腿田園沙律
呢個沙律配意式黑醋醬，而呢款黑醋醬係偏甜少少，但係又唔會奇怪，因為西班牙火腿係偏鹹，所以鹹甜交錯 未來上都幾有衝擊
銀堡壘 $136/2隻
呢款係西班牙生蠔 味道好鮮 海水味濃郁
日之雪花 $136/2隻
而呢款係日本生蠔，大大隻 超有口感 好爽甜
法式歌劇院蛋糕 $68
因為食生日飯 所以另一半都order咗一款甜品嚟食
呢款都幾有層次，最頂嗰層係朱古力，中間有海綿同mouse
可可味道比較濃郁 另一半就話有啲咖啡味🤣
食飯嘅時候係 餐廳嘅happy hour 所以飲紅白酒都有買一送一
紅酒🍷
The Orford Cabernet Sauvignon 2021 $62
白酒
The Orford Chardonnay 2021 $62
張貼
