影片
更多
2024-09-14
423 瀏覽
今日就約咗朋友試吓呢一間元朗西餐餐廳。記得The Diamond前身為寶石餐廳，嗰陣時有食過佢啲鐵板餐。估唔到佢竟然全面裝修改咗style，成為一間行悠閒同fusion菜嘅西餐廳。餐廳入到去好寬敞，設有長卡座，坐得好舒服。裝修亦都時尚有情調。食物方便我哋今次嗌咗兩個晚市套餐。套餐包括一份主菜餐包餐湯甜品同飲品。餐湯我哋都嗌咗紅湯，羅宋湯絕對唔係普通出邊嘅罐頭湯，係真材實料食到好多雜菜同埋肉，唔係hea的。餐包除咗有普通多士，亦都有黑糖麵包，兩者都有烘過，外脆內軟。*風乾煙腩卡邦尼意粉*卡邦尼醬汁好濃郁，食到蛋黃嘅味道，但又唔會過分油膩。同時意粉質地煮得啱啱好，口感彈牙有咬口，同時亦都掛到汁。配埋風乾煙腩，增加咗醬汁嘅鹹香味，令到成個味道更豐富。*紅酒汁燉牛面肉配薯蓉*牛面肉質地軟腍腍，有牛味。加埋紅酒汁嘅配搭，每絲肉入哂味，味道好好。而配搭嘅薯蓉做得好滑身，配埋紅酒汁同埋牛面肉一齊食成件事就好夾。同時呢碟菜嘅份量好大，足夠兩個女仔一齊share食。甜品有意式奶凍，賣相精緻，適合打卡用。意式奶凍質地滑身，充滿着奶香味，其中一個係士多啤梨醬而另一個係落咗芒果果醬，兩者都唔會有化學水果果醬嘅
餐廳入到去好寬敞，設有長卡座，坐得好舒服。裝修亦都時尚有情調。
食物方便我哋今次嗌咗兩個晚市套餐。套餐包括一份主菜餐包餐湯甜品同飲品。
餐湯我哋都嗌咗紅湯，羅宋湯絕對唔係普通出邊嘅罐頭湯，係真材實料食到好多雜菜同埋肉，唔係hea的。
餐包除咗有普通多士，亦都有黑糖麵包，兩者都有烘過，外脆內軟。
*風乾煙腩卡邦尼意粉*
卡邦尼醬汁好濃郁，食到蛋黃嘅味道，但又唔會過分油膩。同時意粉質地煮得啱啱好，口感彈牙有咬口，同時亦都掛到汁。配埋風乾煙腩，增加咗醬汁嘅鹹香味，令到成個味道更豐富。
*紅酒汁燉牛面肉配薯蓉*
牛面肉質地軟腍腍，有牛味。加埋紅酒汁嘅配搭，每絲肉入哂味，味道好好。而配搭嘅薯蓉做得好滑身，配埋紅酒汁同埋牛面肉一齊食成件事就好夾。同時呢碟菜嘅份量好大，足夠兩個女仔一齊share食。
甜品有意式奶凍，賣相精緻，適合打卡用。意式奶凍質地滑身，充滿着奶香味，其中一個係士多啤梨醬而另一個係落咗芒果果醬，兩者都唔會有化學水果果醬嘅味道。
飲品方面我們選擇佛手柑鐵觀音檸檬茶，可以飲到鐵觀音嘅茶底味，同時亦都好清新，因為有佛手柑同埋檸檬嘅配搭，飲落去好舒服，同埋會有一種冇罪疚感嘅感覺。
整體嚟講呢間西餐廳屬於高水準發揮，好適合一大班人嚟呢度聚餐又或者比情侶嚟做約會。
張貼
