十八茶 (已結業)

每次飲呢啲手搖都係想飲舖頭最熱賣嘅產品 所以今次膽粗粗叫店員推介兩款俾我哋試吓😝 呢度嘅店員真係好細心咁推介唔同款式俾我哋選擇 務求我哋揀到一杯最適合自己嘅茶飲🧋十八招牌新鮮水果茶呢杯水果茶酸酸甜甜好啱我口味 正常糖都唔會太甜 應該係本身水果嘅甜 飲得出水果幾新鮮😚 水果茶入面有檸檬 蘋果 香橙 百香果 同埋柚子⭐️ 每一樣水果都好夾 蝶豆花荔枝梳打配蘆薈營養價值高嘅蝶豆花令呢杯飲品養生咗唔少 藍色嘅蝶豆花含有豐富嘅花青素 可以明目護眼👀 友人一見到呢隻夢幻藍 即刻心心眼呀😍 飲落口係荔枝嘅甜味 加埋清涼嘅蘆薈粒 真係好Fresh😝 夏天飲就啱晒另外呢間舖有個貼心位 係因應飲品size而有兩種長度嘅飲管👍🏻 真係唔怕杯飲品太高身 飲管太短而跌咗入隻杯入面 飲唔到 呢一點值得加分😚