黑木亭-お食事処 (玉成大廈) (已結業)

今晚同朋友兩個人行完街，朋友話想去食下日本菜，咁就去左試下元朗既黑木亭去到門口見到佢鋪內單位乾淨企理的，門口有擺一d外賣既壽司同埋丼飯，再行入少少先係堂食位置。跟住我地叫左兩個lunch set, 先講講套餐裡包括:小食兩款（三點刺身盛同埋鰻魚牛蒡炸蝦卷）小食方面味道不過不失，不過擺盤就相當之靚，打卡一流。之後店員就幫我地送上兩款主菜（壽喜燒定食（牛）配烏冬同埋鰻魚陶板燒配珍珠米）兩樣主菜都跟上爐熱住，呢樣係有誠意的。不過壽喜燒就帶點兒咸，食到後面有點食唔落而鰻魚陶板就不過不失，總括講主菜除左扮相精美外都係無咩驚喜。最後講講餐飲，我同朋友分別叫左菠蘿汁同蘋果汁，兩杯野飲都係跟餐奉送餐食隻杯就真係幾靚，杯下面仲有個富士山總括講，黑木亭呢個二人lunch set都係不過不失，套餐有既野唔算少，食完都會好飽值得一讚係店內裝修幾好，同埋食物扮相十分合適用黎打卡，如果情侶或者閨蜜過黎食飯加打卡應該都會幾岩的。