添添

營業中

休息中

又去元朗國，帶隻狗仔去寵物店剪頭髮，等的時間去食個早的晚飯，一家大細又唔洗等位。6 點入座，剛剛過咗下午茶時間，見到下午茶餐好抵食呀。單點小炒，肉絲炒麵$60 夠曬鑊氣，麵底係炸過嘅，脆卜卜，真係食唔停口呀。食下啲邪惡餸先，鹹蛋黃金蝦 $95 炸到連蝦頭都可以食埋，蝦肉身又好多汁，每一粒都新鮮，真係好味。添添小炒王$85 一上枱都好驚喜，因為有好多蝦乾，仲有脆魚仔 ，新鮮魷魚鬚，菜脯粒，係非常足料。蜜椒薯仔雞中翼$85 辣辣地甜甜地好正。仲有送例湯。