影片
更多
2024-11-23
450 瀏覽
👦🏻👧🏻好鍾意去Tera食甜品，尤其是係佢哋嘅招牌日式梳乎厘，賣相又靚又好味！經過見到出咗開心果梳乎厘班戟，身為開心果控梗係要入嚟試吓啦😍！晚市套餐會跟湯或者沙律，仲可以用優惠價點正價飲品添！💦日式清酒煮海鮮 $98用清酒去烹調蜆、蝦同帶子，去帶出海鮮嘅鮮味，每樣都有鮮甜嘅味道。🍗炸蜜糖牛油雞翼 6隻 $78炸到外脆內軟，表面有一層香甜蜜糖，內裏嫩滑多汁，真係好滋味！🐏法式紅酒燴羊膝套餐 $168第一眼見到好surprise，冇諗過咁大件！羊膝煮得好腍好入味，好容易咬開。切開有好多肉食，未食配菜已經食到好飽🤭。🥩香煎紐西蘭肉眼配青胡椒燒肉汁 $228肉質細嫩而且肉味香濃，入口有豐富油花，配上帶甜味嘅青胡椒燒肉汁，食完唔會覺得膩。🥞開心果梳乎厘班戟套餐 $158即叫即製嘅班戟鬆軟綿滑，啖啖都散發着濃厚嘅蛋香味，配上濃郁幼滑嘅開心果醬同開心果粒，每一啖都係幸福嘅味道啊！🍫布朗尼班戟配雪糕 $98布朗尼同忌廉層層相隔，最上層有球雲呢拿雪糕。布朗尼外脆內軟，內裏有果仁粒粒幾有口感，同雲呢拿雪糕簡直係絕配。加埋忌廉打得好幼滑輕盈，令成個口感更加豐富。🥭芒果楊枝甘露 +$40芒果汁同椰汁配合得唔錯
💦日式清酒煮海鮮 $98
用清酒去烹調蜆、蝦同帶子，去帶出海鮮嘅鮮味，每樣都有鮮甜嘅味道。
🍗炸蜜糖牛油雞翼 6隻 $78
炸到外脆內軟，表面有一層香甜蜜糖，內裏嫩滑多汁，真係好滋味！
🐏法式紅酒燴羊膝套餐 $168
第一眼見到好surprise，冇諗過咁大件！羊膝煮得好腍好入味，好容易咬開。切開有好多肉食，未食配菜已經食到好飽🤭。
🥩香煎紐西蘭肉眼配青胡椒燒肉汁 $228
肉質細嫩而且肉味香濃，入口有豐富油花，配上帶甜味嘅青胡椒燒肉汁，食完唔會覺得膩。
🥞開心果梳乎厘班戟套餐 $158
即叫即製嘅班戟鬆軟綿滑，啖啖都散發着濃厚嘅蛋香味，配上濃郁幼滑嘅開心果醬同開心果粒，每一啖都係幸福嘅味道啊！
🍫布朗尼班戟配雪糕 $98
布朗尼同忌廉層層相隔，最上層有球雲呢拿雪糕。布朗尼外脆內軟，內裏有果仁粒粒幾有口感，同雲呢拿雪糕簡直係絕配。加埋忌廉打得好幼滑輕盈，令成個口感更加豐富。
🥭芒果楊枝甘露 +$40
芒果汁同椰汁配合得唔錯，甜度恰到好處，裏面有芒果肉同西米，味道清甜爽口。
🍌香蕉咖啡配椰乳 +$40
咖啡帶有淡淡椰香味，將底下嘅香蕉蓉攪拌一齊飲，令到咖啡有蕉嘅香甜味道。
🫘紅豆咖啡配椰乳 +$40
咖啡味道同上面嗰杯一樣，如果鍾意食紅豆嘅可以試吓呢一杯。
張貼
