泛后甜品 (已結業)

星期六係元朗食完晚飯，想食糖水所以就行左過去泛後甜品到啦，去到大約十點半到，好多人等緊位，不過拎左飛等左十分鐘到就有位了。三十幾度坐室外，未食已經出曬汗，好快叫左三樣甜品。芒果西米露芒果幾甜唔酸，西米比較淋。鮮雜果涼粉好足料，有西瓜、芒果、蜜瓜、哈蜜瓜、木瓜，食完好涼快。糖不甩好耐冇食過糖不甩，所以飽飽地都叫左一客，落左超多椰絲同花生碎，三個之中，呢個最好食。 總括黎講都唔錯，足料同價錢合理，不過夏天坐室外仲有射燈照住實在太熱。