泛后甜品 (已結業)

泛后甜品，屹立於元朗又新街，逾二十年。最終亦於十月二十八日，成為元朗人的回憶。在大家見到這帖的時後，相信泛后甜品已經光榮結業。泛后甜品，主打的正是經典糖水，甜品，生果盤。當年開張之時，由於它的競爭對手B仔，只是一路之隔，曾估計不出三年，便挨不住。泛后甜品的美食，認真說不是特別好食，但一來在我家附近，二來價錢相對合理，三來總覺得比B仔好吃那麼一點點，所以在中學時期，更是朋友間，打完波，最佳選擇之一。由於幫襯的次數很多，成為店中熟客，跟一些員工更十分熟悉。泛后甜品的經典美食，分別有班㦸及布甸，有榴槤及芒果味。各種味道的刨冰。中式糖水，如芝麻糊，綠豆沙，湯圓等。當然還有有各種生果汁，西米露等等。小食則有，燒賣，魚蛋，鹵水雞翼尖，雞翼等等，我最愛的是它的煎韮菜餃。最後兩天，我當然亦抽空外賣回家品嚐。由於結業在即，食品選擇亦不多，買了腸粉，燒賣，韮菜餃，甜品則要了，榴槤布甸及楊枝甘露。韮菜餃的餡超滿，入口充滿韮菜，15元3隻。榴槤布甸，28元，內含豐富榴槤肉，很香很滋味。楊枝甘露，芒果等材料超滿，38元一碗（小）。 可惜，一切已成絶響，成為一段回憶。泛后甜品地址: 元朗又新街59號 緣份天成，初

大大話話光顧了10年有多的泛后甜品，宣佈於10月28日光榮結業，消息一出令人驚訝又惋惜！屹立元朗近25年，信相好多人都去過，亦曾經有元朗人話元朗人只會去食泛后甜品，這話的確沒錯，光顧的多是街坊鄰里！ 趁最後的時光，聯同幾位媽媽一同帶著小朋友們去作最後朝聖！雖然是平日下午但仍人頭湧湧，可能結業消息一出後，大家都抱著懷勉一番的心情到來。 因為店鋪地方所限，未能同時容納多架bb車，唯有停泊於門外，老闆不但沒有說我們妨礙他做生意，反而自告奮勇幫我們做babysitter，等我們吃得安心又放心 甜品店有的，泛后亦都有: 中式糖水、雪糕新地、果汁、奶昔、布甸、pancake等，當然不少得腸粉、燒賣那類的小食，價錢都是街坊價，不會太離地。 楊枝甘露、西瓜西米露、芒果班戟、韮菜餃、腸粉等，每樣都是目標，每樣都想再encore，可惜胃只有一個，要精精精選。 貴為店方的名物 - 楊枝甘露(細)$38 柚子肉拆得挺為仔細，加上芒果蓉，酸酸甜甜的很開胃。西米用上細粒的，軟硬度剛好不會呈糊狀，甜度適中之餘又帶點椰奶香，不疑愧為頭號首選。 芝麻糊 $21 熱食的芝麻糊散發淡淡的芝麻香，質感挺為濃稠

又一間老店結束營業，要食既要係月尾前去食啦😢同區住了廿年都未試過呢間，太過深閨簡出🤦🏻‍♀️.🍮黑白有滑$32🍮招牌特別款~食落似係豆腐布甸🤔本身甜度好低，加埋底下既甜黑芝麻醬就啱啱好❤️感覺幾清爽同比較健康👍🏻.💛楊枝甘露(細)$38💛好足料，芒果香甜~❤️.🧡芒果冰$35🧡唔太甜，好解喝，都唔錯~.食物質素: 🌕🌕🌕🌗🌑食物顏值: 🌕🌕🌕🌗🌑性價比: 🌕🌕🌕🌗🌑回頭率: 🌕🌕🌕🌗🌑

看到蘋果日報報到，知道做到十月尾，專程到來吃甜品。星期日下午五時多到，人不算很多，等了15分鐘左右！叫了楊枝甘露，芒果布甸，木瓜雪榚，味道一流，芒果新鮮及甜美！大家快去嘗嘗，十月尾就結業

聽講泛后做埋十月唔做由細食到大就緊係要幫襯下我地就叫左雜果涼粉同招牌楊枝甘露啦雜果涼粉係新鮮生果 同行減肥友人就啱哂啦本身叫花奶另上 不過姐姐們可能太忙 忘記左唔緊要啦楊枝甘露好足料 芒果同柚子都好甜整體有啲偏甜不過食糖水就緊係要食甜啦叫左腸粉魚蛋燒賣都係一般野 價錢係比外面貴少少但又想食咸野都可以叫埋環境方面都好乾淨衛生冷氣十分充足當然，環境音量都會較高 可能講野就要大聲少少啦！由細食到大既街坊舖當然要支持啦希望老闆搵到另一個位置再開番啦！

快將結業的 "泛后甜品" 對上一次食應該係10年前 😒 其實早前曾經經過, 大舖 & 細舖都無乜人, 對面佳記 (B仔涼粉) 大排長龍, 問題出喺邊? 租金? 定係出品...我哋一行4人, 研究完一輪都發現除左 "楊枝甘露" 其餘嘅生果 pancake, 糖水, 腸粉, 魚旦, 雞翼尖, 就連腸粉醬...通通都輸比其他舖頭! 不過楊枝甘露實在係無得輸, 好多芒果條, 芒果汁, 椰奶香濃, 不過柚子肉有 d 苦! 。。。別了, 泛后甜品! 一個紮根元朗廿五年的甜品店!

✔️雜果西米露 $40生果種類和份量很多，而且非常新鮮，全部都很甜，不會酸👍加上滿滿的花奶和煮得剛好的大粒西米大滿足！😋.✔️楊枝甘露 $35椰汁奶與芒果漿比例剛好老闆很豪爽地放了很多芒果和柚子❤️可惜今天的柚子帶苦，真不夠運氣🙉instagram: sharingms

平時都成日買點知今次俾咗盒酸叔榴蓮pancake 。。。。。。。。。。。。。。。。。。80蚊買咗2盒，1盒無事，1盒壞嘅囉！。。。。。。。。。。。。。。。。。唉！

The food and dessert here are nothing exceptional but for some reason I tend to come back here. Maybe it’s because they never have a queue. I like the rice balls but they are always warm when they serve even the dessert supposed to be cold. Tried their rice rolls for the first time and they were decent. Fish balls were a bit small and the texture was quite hard. Order the dragon eye drink but was surprised that they add coconut milk in it. It was too strong where you could only test the coconut

去元朗去足全日，最尾梗係要食返個靚糖水作結。人人都食B仔，唔通個個都想食B仔咩？加上B仔宜家被釘牌，屬無牌經營，食左有咩唔舒服真係自負盈虧。下次黎元朗，不如行去對面食泛后甜品呀！😋鮮什果西米露 細 $40唔鍾意食罐頭什果，又心大心細唔知食邊款水果好，呢個有西瓜芒果蜜瓜哈蜜瓜木瓜，絕對滿足你！而且生果夠甜，椰汁西米露比得夠👍🏻可以一啖生果一啖糖水！乳酪藍莓雪花冰＄40 加鮮雜果另加$8讀書既時候就好鍾意食冰類，盛行既時候周圍都有得賣，宜家係元朗真心所淨無幾嚕！佢有5種混搭好既口味，冰帶淡淡既藍莓同乳酪味，屬輕盈無負擔感選擇🤤口味重既唔建議揀呢個，雜果加$8就覺得🤔抵唔抵見仁見智好味指數（5粒最高）：

泛后甜品於我來說,佢又抵食 食物又有良心佢絕對不會比其他有名的甜品鋪差 今日同朋友食完飯 未夠喉決定再戰下一場去左泛后食西米露 + 腸仔 + 魚旦朋友就食綠米沙很足料 由其是西米露 食的時候 很容易便食得出 在西米的處理過程 有沒有馬虎 所以我好鐘意係泛后食西米露~~可惜唔記得影相

遲吓有活動，所以安排咗今晚嘅糖水會議～ 話說呢間糖水鋪由細食到大普普通通嘅舊式糖水鋪～ 無咩特別，但質素穩定～ 最鐘意佢有腸粉食，依家想食個腸粉，除咗外賣回家食之後，只有呢類糖水鋪先可以坐低食啦～今晚我地一行四人，一人一個糖水～芒果啫喱加咗花奶嘅啫喱係正嘅～ 加埋甜甜嘅鮮芒食番兒時嘅味道蜜瓜西米露平時一個人好難會食到咁大個嘅蜜瓜，可以係呢到少少地食到楊枝甘露呢度嘅皇牌～ 芒果同芒果汁嘅比例剛剛好，加埋椰汁香滑好味，柚肉唔苦薑汁芝麻湯圓平身鐘意食糯米制品，湯丸係第一位～麻蓉香滑好味，夜麻麻食4粒剛剛好～

嚟到又新街，又係食甜品嘅時間。兩間甜品舖二選一，最後小朋友們話想試呢間，咁就泛后啦。正舖冇位，阿姐叫我哋行去巷仔間細鋪。呢間細鋪冇乜人，坐得反而幾舒服。之前已經食得好飽，最後只係叫咗三樣嘢，楊枝甘露，大雜果西米露同朱古力雲呢拿雪花冰。想講下呢個朱古力雲呢拿雪花冰，只係由正舖行到去呢間舖仔嘅距離，唔通已經熱到溶曬？ 以前啲綿綿冰個樣好吸引，但係我哋呢兜賣相就好似....另外個雜果西米露，雖然有好多生果，但係 木瓜同奇異果都已經熟透，而且又唔夠凍， 水準以下之作。

咁既天氣，食完飯緊係去食甜品啦。今次一行八人，去左位於新b仔對面既泛后甜品試下。初頭以為舖頭好細冇咩位，點知原來格離仲有幾間細舖，唔洗等就有位啦...天氣咁熱，所以今次主要係食冰...芒果益力多冰芒果味都食到少少既，其實好淡冇咩味...乳酪藍莓冰食唔到乳酪味亦都食唔到藍莓味，只係有冰味，仲係水味個種冰...番石榴冰黎到就聞到番石榴味，係呢三隻味入面算好食，不過整體都係一般除左冰，仲叫左其他...楊枝甘露好足料，夠濃郁。細碗都算多...糖不甩彈牙，算大粒。因為我食完冰先食佢，熱食應該更好食總括來說，我覺得冰就一般，其他都唔差既...

我既概念就係得最出名果間糖水鋪 , 但既然都食過幾次 , 當然要比D機會其他糖水小店啦不過泛後甜品一D都唔細, 都見到有幾個鋪位。而且都好多人幫襯。咁因為好想食生果既關系就叫左個"鮮雜果西米露" 有分大中細咁因為要留肚食晚飯既關係叫左細SIZE同芒果班戟。有芒果西瓜哈密瓜同木瓜火龍果, 生果好生鮮, 芒果唔酸。西米露軟硬適中, 加埋淡奶 , 生律解渴, 夏天良品。芒果班戟一盒有三件, 芒果同鮮忌廉既比例係一比一。唔會溜口。班戟皮薄, 芒果唔酸, 好味道。我見其他食客有點小食 如雞翼尖 , 魚蛋燒賣咁, 下次有機會再試下。