影片
更多
2022-01-24
269 瀏覽
📍Accro Coffee - #YFF元朗 💛-元朗國得獎精品咖啡店‼️呢間coffee shop既店主曾經得過唔同既咖啡獎項 例如世界虹吸咖啡冠軍🏆店外裝修頗為低調 係外面得簡約既水泥牆 完全望唔到入舖面 頗有神秘感 但每次途經都見到好多人企係門口排隊 先令我留意到呢間著名cafe既存在😧店內裝修型格 以水泥同埋木質作為主調 座位唔算多今次平日既下晝黎到 等位方式係 客人喺門口張waiting list填上個人資料 有位既時候店員就會打電話通知 留位十分鐘呢個方式係幾體貼下 大家可以唔洗企定定係門口曬住排隊今次係waiting list上面排第六 等咗大半個鐘成功入座😬由於客人眾多 入座時限為90分鐘 不過都夠大家慢慢chill～-🔸Plan B - 伯爵茶忌廉、楓糖漿 配 特濃朱古力雪糕窩夫 (全份$95)擺盤賣相吸引 waffle心形設計幾靚 而且份量十足Earl grey cream極重茶香 食落伯爵茶味極濃 份量頗多 絕對夠配晒成份窩夫食 而且質地非常輕盈 食落幾清新 唔會有平時cream好膩既感覺👍🏻waffle就較為令人失望 質地較腍 冇預期中既外脆內軟口感~整體黎講 呢
-
元朗國得獎精品咖啡店‼️
呢間coffee shop既店主曾經得過唔同既咖啡獎項 例如世界虹吸咖啡冠軍🏆
店外裝修頗為低調 係外面得簡約既水泥牆 完全望唔到入舖面 頗有神秘感 但每次途經都見到好多人企係門口排隊 先令我留意到呢間著名cafe既存在😧
店內裝修型格 以水泥同埋木質作為主調 座位唔算多
今次平日既下晝黎到 等位方式係 客人喺門口張waiting list填上個人資料 有位既時候店員就會打電話通知 留位十分鐘
呢個方式係幾體貼下 大家可以唔洗企定定係門口曬住排隊
今次係waiting list上面排第六 等咗大半個鐘成功入座😬
由於客人眾多 入座時限為90分鐘 不過都夠大家慢慢chill～
-
🔸Plan B - 伯爵茶忌廉、楓糖漿 配 特濃朱古力雪糕窩夫 (全份$95)
擺盤賣相吸引 waffle心形設計幾靚 而且份量十足
Earl grey cream極重茶香 食落伯爵茶味極濃 份量頗多 絕對夠配晒成份窩夫食 而且質地非常輕盈 食落幾清新 唔會有平時cream好膩既感覺👍🏻
waffle就較為令人失望 質地較腍 冇預期中既外脆內軟口感~
整體黎講 呢個waffle冇預期中咁驚喜 不過茶味的確較坊間既香濃好多 earl grey愛好者必點🍵
-
🔸雞胸肉意式香草包 ($53)
呢個panini非常有驚喜😍 即叫即做 烘到熱辣辣又好脆口～
包身頗有香草味 入面包住拉絲芝士 千島醬 同埋雞胸肉 餡料非常豐富 而且又大份抵食 我絕對會為呢個包做回頭客😍
-
🔸Hazelnut Mocha ($38 // 跟餐減$5)
呢間啲咖啡拉花好得意 好多時都有出面比較少見既圖案😛
今次呢杯我覺得好似係草泥馬 而友人就覺得似老虎🧐
咖啡本體較酸 可可味頗出 奶泡濃密 飲落都幾順口下☕️
-
另外想點評一下餐廳服務
關於等位方式 略嫌有啲忽略咗個人私隱 人人都可以係張list上面睇到自己既個人資料😟 希望餐廳可以改善下呢個位啦
而店員服務態度其實唔錯 幾nice幾有禮貌 但收碟速度太快 啱啱拎起最後一啖就好快收咗左隻碟 同埋食咗唔夠一個鐘就已經開始提醒交枱時間 有少少催促客人交枱既感覺😥
仲有就係 食物出餐既次序都有改善空間 覺得甜品應安排係食完晒熱食先上🙏
張貼
