影片
更多
2022-07-12
50 瀏覽
元朗 - 凱悅海南雞專門店 同屋企人去元朗行街，lunch肚仔餓開OpenRice 睇下有咩食，loop loop下見到呢間店舖完全0負評，一於試下係咪真係咁犀利🤣老闆好talk得，見我哋生面口介紹好多店舖特式菜畀我哋知，感覺到佢嘅用心整作🥰無骨海南雞飯（🌟89.23/100) 💲55可選白飯/黄薑飯，識食一定揀黄薑飯啦🫢仲奉送紫菜湯，一嚟到極大碟😍海南雞外皮晶凝通透，雞肉好嫩滑而且好厚肉，完全冇皮下脂肪，食埋外面層皮都罪惡感冇咁重🫢黃薑飯用咗雞油、黃薑粉和香茅整成，食落去口感粒粒分明，冇油膩感，好乾身，就連吾鍾意食飯嘅我都食曬🤤紫菜湯用雞殼同大量紫菜製成，每一啖都飲到大量紫菜，就算用雞殼熬製，面頭都唔會有油脂浮上面，飲落好清爽有清雞湯味，仲係冇添加味精，飲落都健康啲👍🏻無骨鹽水加積鴨飯（🌟86.34/100）💲55飯底都係揀黃薑飯，店主吾吝嗇咁畀大大碟，外貌普普通通，但食落有驚喜，食落咸香鮮味，冇鴨蘇臭味，因為係冇骨食落啖啖肉好正😍就連吾鍾意食鴨嘅屋企人都食晒🤤瓣醬豆腐（🌟84.98/100）💲30有八件咁多，即叫即炸，食落外脆內嫩滑，豆香味好濃郁，豆瓣醬偏重口味，沾少少已經好夠味，
同屋企人去元朗行街，lunch肚仔餓開OpenRice 睇下有咩食，loop loop下見到呢間店舖完全0負評，一於試下係咪真係咁犀利🤣老闆好talk得，見我哋生面口介紹好多店舖特式菜畀我哋知，感覺到佢嘅用心整作🥰
無骨海南雞飯（🌟89.23/100) 💲55
可選白飯/黄薑飯，識食一定揀黄薑飯啦🫢仲奉送紫菜湯，一嚟到極大碟😍海南雞外皮晶凝通透，雞肉好嫩滑而且好厚肉，完全冇皮下脂肪，食埋外面層皮都罪惡感冇咁重🫢黃薑飯用咗雞油、黃薑粉和香茅整成，食落去口感粒粒分明，冇油膩感，好乾身，就連吾鍾意食飯嘅我都食曬🤤紫菜湯用雞殼同大量紫菜製成，每一啖都飲到大量紫菜，就算用雞殼熬製，面頭都唔會有油脂浮上面，飲落好清爽有清雞湯味，仲係冇添加味精，飲落都健康啲👍🏻
無骨鹽水加積鴨飯（🌟86.34/100）💲55
飯底都係揀黃薑飯，店主吾吝嗇咁畀大大碟，外貌普普通通，但食落有驚喜，食落咸香鮮味，冇鴨蘇臭味，因為係冇骨食落啖啖肉好正😍就連吾鍾意食鴨嘅屋企人都食晒🤤
瓣醬豆腐（🌟84.98/100）💲30
有八件咁多，即叫即炸，食落外脆內嫩滑，豆香味好濃郁，豆瓣醬偏重口味，沾少少已經好夠味，隔耐咗食雖然冇咗脆卜卜嘅口感，反而咬落去爆汁，豆香味更出，好有驚喜，難怪枱枱都有叫
椰汁紅豆冰（🌟82.64/100）原價$25,跟餐$12
椰汁味勁濃好香，紅豆係老細自己每日煲嘅，偏硬身有咬口，食落口感沙沙但又有嘢咬下，夏天飲係消暑因物🥰
張貼
