THE DIAMOND RESTAURANT

營業中

休息中

呢間係元朗既餐廳最近裝修重開，入面好靚，座位舒適，好新式好似Café 咁靚! 食物都係主要西式為主，見到有推出2人餐，都幾抵食，就直接叫呢個餐!套餐會包餐湯同包，簡左羅宋湯同埋是日的南瓜湯。羅宋湯好足料，好好飲。南瓜湯好creamy，帶有南瓜原有既甜味! 包有2款，仲有提供酸種面包! 前菜有2款，有胡麻核桃沙律同埋自家醃製刁草三文魚，第一次試呢個口味，刁草聞落香氣四溢，味道酸中帶甜，非常開胃! 主菜 – 紐西蘭牛肉眼扒配薯菜 (五成熟)牛扒熟度岩岩好，唔會好難咬，好易切，好香! 旁邊既薯菜款款蔬菜食落都好新鮮，好juicy ，唔會乾。紅酒汁燉牛面肉配薯蓉平時少食牛既我都完全接受到呢款，牛肉燉到好軟糯，好入味。薯蓉好好食，係好香牛油味，而且好creamy。甜品就簡左意式奶凍，好滑既奶凍，好食!而家做緊推廣，野飲轉佛手柑茶係免費，好清新又唔會太甜，幾好既選擇。