影片
更多
2019-04-02
53 瀏覽
身為雞煲愛好者嘅我最高峰嘅時候試過一星期食三次，一個月食十次！元朗都出名多雞煲，今日嚟到呢間上年先新開張嘅<<圓老爺雞煲小廚>>！一行入去，發覺呢到都幾細，只係放到6張中枱，1張大枱，原來內有乾坤，仲有二樓嘅，不過佢哋安排咗我坐地下，我就冇行上去睇了~首先叫咗個呢到嘅皇牌雞煲！兩個人食半隻雞就夠，我同朋友都好鐘意酸菜魚，所以都Order埋酸菜煮龍躉斑球，小食就叫咗一份蜆芥鯪魚球，食咁多肉都要叫返啲蔬菜解解油膩！呢到嘅員工教我哋雞煲用大火煮滾咗之後再焗三分鐘就食得！雞煲一定食有少少辣先好食，雖然我地食唔到太辣，但平時都會叫小辣，呢到啲雞大細適中，都夠晒入味，嫩滑就講唔上不過就好惹味！蜆芥鯪魚球一碟有八粒，炸到啱啱好，蜆芥醬係用蜆肉、薑末、陳皮絲，再加啲白酒整成嘅，聞落係特殊的「香」味，其實有啲似海鮮嘅腥味，如果單獨咁食，會好鹹，可能仲會覺得有啲臭，但配埋鯪魚球就真係好夾好夾！如果受唔到蜆芥嘅味，都可以淨係食鯪魚球，佢本身都有啲調味，外脆內軟，好正！其實我細個係唔食鯪魚嘅，唔知點解大個咗之後又變咗鐘意食！呢個海味雜菜煲有大約四至五款蔬菜，會用當日時令嘅菜，我
元朗都出名多雞煲，今日嚟到呢間上年先新開張嘅<<圓老爺雞煲小廚>>！
一行入去，發覺呢到都幾細，只係放到6張中枱，1張大枱，
原來內有乾坤，仲有二樓嘅，不過佢哋安排咗我坐地下，我就冇行上去睇了~
首先叫咗個呢到嘅皇牌雞煲！兩個人食半隻雞就夠，
我同朋友都好鐘意酸菜魚，所以都Order埋酸菜煮龍躉斑球，
小食就叫咗一份蜆芥鯪魚球，食咁多肉都要叫返啲蔬菜解解油膩！
呢到嘅員工教我哋雞煲用大火煮滾咗之後再焗三分鐘就食得！
雞煲一定食有少少辣先好食，
雖然我地食唔到太辣，但平時都會叫小辣，
呢到啲雞大細適中，都夠晒入味，嫩滑就講唔上不過就好惹味！
飄香醬海皇雞煲(半隻)
$108
3 瀏覽
0 讚好
0 留言
蜆芥鯪魚球一碟有八粒，炸到啱啱好，
蜆芥醬係用蜆肉、薑末、陳皮絲，再加啲白酒整成嘅，
聞落係特殊的「香」味，其實有啲似海鮮嘅腥味，
如果單獨咁食，會好鹹，可能仲會覺得有啲臭，
但配埋鯪魚球就真係好夾好夾！
如果受唔到蜆芥嘅味，都可以淨係食鯪魚球，
佢本身都有啲調味，外脆內軟，好正！
其實我細個係唔食鯪魚嘅，唔知點解大個咗之後又變咗鐘意食！
蜆芥鯪魚球
$48
2 瀏覽
0 讚好
0 留言
呢個海味雜菜煲有大約四至五款蔬菜，會用當日時令嘅菜，
我當日食係有西蘭花、油麥菜、芥蘭、小棠菜！
睇相都知呢個煲都幾多料，有好多乾瑤柱喺面，仲有啲魷魚、菇類！
湯底嘅味道應該專登做返清淡啲，啲菜每條都好煮到好淋，索晒啲湯汁，
如果想食爽口嘅菜嘅朋友要叫返炒嗰啲！
海味雜菜煲
$58
9 瀏覽
0 讚好
0 留言
張貼
