鹵家

營業中

休息中

今日黎到元朗，經朋友介紹黎到一間幾出名既中式燒味店食飯呢間店舖雖然座位唔多但人流不絕，坐落都好舒服，鋪面乾淨企理🌸🌸🌸🌸叫左以下餸菜：老黃瓜赤小豆扁豆豬骨湯梅子脆燒鴨頭抽豉油雞醉雞件話梅涼瓜片米粉🌸🌸🌸🌸老黃瓜赤小豆扁豆豬骨湯老火湯好足料，赤小豆同扁豆味道好濃好出味，係好足時間既老火湯，絕對唔係味精湯黎，亦都食到老黃瓜蓉溶係湯底到，非常適合夏天飲用，可以消暑解渴話梅涼瓜片本身都麻麻地涼瓜，因為唔鐘意佢有苦澀味，但朋友話想試，就叫左一份，點知最有驚喜係呢樣菜。一開始以為係中式個款炒涼瓜片，但原來係涼菜，食落第一口無苦澀味，反而好重話梅既酸味，涼瓜口感係爽脆，唔係淋身，食落酸酸甜甜，最後回甘，好適合做餐前開胃菜梅子脆燒鴨店員話呢個係招牌菜，見到好多枱客人都叫左，所以我都決定試一試，咬落有淡香既梅子味，外皮脆脆地，鴨髀咬落啖啖肉，份量好足，墊底既芽菜吸灑燒鴨汁，送飯一流頭抽豉油雞雞皮好薄，雞肉好嫩滑，而且都好大碟，豉油味道比較重，一開始食落唔覺鹹，但食到最後雞肉吸灑頭抽汁，愈食愈重味，適合配飯食醉雞件無骨醉雞件食落好方便，唔使𠼱骨，食落有陣清幽既花雕酒香，雞件亦好滑，每件雞件上亦配上一顆杞子