影片
更多
2021-10-21
849 瀏覽
鮨文係近年新開嘅人氣鮨店，近期都係紅磡開左分店。餐廳以雲丹盛 -- 份量爆燈嘅海膽、牡丹蝦同埋三文魚籽丼飯杯而聞名。佢嘅食材超過九成每日由日本新鮮直送，當中包括罕見嘅吞拿魚面頰同埋魚餃。 鮨文嘅lunch大致上有4個set，價錢分別係$340，$530，$880同埋$1200。小編當日就食左$880果set，入面包含15道菜。餐廳好高人氣，平日嘅lunch booking都滿曬，大家想黎嘅話就盡早book喇！小編當日食嘅廚師發辦（$880）大致上係：【8.5/10】蟹肉茶碗蒸野生深海池魚柚子金目鯛秋刀魚醬油漬赤陸燒帆立貝海膽卷火灼拖羅北寄貝牡丹蝦中拖羅腦天雲丹盛燒右口魚裙邊靜岡蜜瓜鮨文所有嘅魚生都十分新鮮、魚味濃郁，鮮甜十足。舍利（醋飯）溫度啱啱好，酸度適中，師傅握功都唔錯，舍利緊實唔鬆散。小編印象最深刻嘅一定係燒右口魚裙邊、腦天同埋雲丹盛。右口魚裙邊本身油脂豐富，燒完之後脂香十足，配埋燒到脆口嘅紫菜食真係好夾。腦天係吞拿魚頭頂嘅肉，每條吞拿魚只得兩片，十分珍貴。佢嘅口感十分軟滑，筋少之餘脂肪多，魚味極濃。師傅係雲丹盛用左兩隻唔同海膽 - 紫針海膽同埋馬糞海膽。紫針海膽口感較細膩，海水
鮨文嘅lunch大致上有4個set，價錢分別係$340，$530，$880同埋$1200。小編當日就食左$880果set，入面包含15道菜。餐廳好高人氣，平日嘅lunch booking都滿曬，大家想黎嘅話就盡早book喇！
小編當日食嘅廚師發辦（$880）大致上係：【8.5/10】
蟹肉茶碗蒸
野生深海池魚
柚子金目鯛
秋刀魚醬油漬
赤陸
燒帆立貝海膽卷
火灼拖羅
北寄貝
牡丹蝦
中拖羅
腦天
雲丹盛
燒右口魚裙邊
靜岡蜜瓜
鮨文所有嘅魚生都十分新鮮、魚味濃郁，鮮甜十足。舍利（醋飯）溫度啱啱好，酸度適中，師傅握功都唔錯，舍利緊實唔鬆散。小編印象最深刻嘅一定係燒右口魚裙邊、腦天同埋雲丹盛。
右口魚裙邊本身油脂豐富，燒完之後脂香十足，配埋燒到脆口嘅紫菜食真係好夾。
腦天係吞拿魚頭頂嘅肉，每條吞拿魚只得兩片，十分珍貴。佢嘅口感十分軟滑，筋少之餘脂肪多，魚味極濃。
師傅係雲丹盛用左兩隻唔同海膽 - 紫針海膽同埋馬糞海膽。紫針海膽口感較細膩，海水味冇咁濃郁，不過依然好鮮甜。馬糞海膽比較濃味，顏色都較深。師傅都好慷慨咁比咗極多三文魚籽我地。三文魚籽真係好好好鮮甜，而且粒粒都好飽滿，一咬開就爆曬啲極鮮嘅汁出黎，小編從來都冇諗過原來三文魚籽可以咁好食！牡丹蝦表現同樣都係水準之上，成個丼飯好邪惡滿足！
因為小編早book嘅關係，所以好好彩由主師傅serve我地。師傅每一道菜都會詳細介紹產地、做法，亦會同我地傾下計，氣氛服務都好好，不過小編略嫌店員倒茶比較慢，同埋茶唔夠熱。但係勝在師傅好細心，小編靜雞雞同男朋友講好飽驚食唔曬，師傅都留意到同埋即刻幫我少飯，亦都不斷幫我地添漬物。總括黎講鮨文食物不俗，性價比幾高，用餐環境都唔錯，小編十分推薦大家黎試下！
------------------------------
價錢 🌕🌕🌕🌗🌑
味道 🌕🌕🌕🌕🌑
服務 🌕🌕🌕🌕🌑
環境 🌕🌕🌕🌕🌑
張貼
