影片
更多
2024-08-12
132 瀏覽
7月下旬結婚，約埋班兄弟姊妹出嚟見下面同傾野，家姐去過呢間cafe，話夠清靜傾野一流，就book咗，因為姊妹想試埋姊妹裙，唐突問可唔可以book早啲嚟試衫，又ok喎！👍佢個門口好難揾，喺兩幢大廈中間條巷入面，我家姐已經同我講過，我都搵咗一陣先搵到，有啲兄弟姊妹喺下面兜好耐都搵唔到，我哋要落去接佢哋。算準時去到，姊妹先試衫，個廁所好大好整齊乾淨同衛生，換衫都幾方便，但廁所得一個，輪住逐個試都搞咗好耐，不過伴郎有野做要遲到，試住衫等啱啱好，最後差不多1點半先齊人，開始一面食野一面傾。兄弟姊妹互相唔識，費事煩，野食我一早order晒，上菜大家一齊食，野飲就一樽樽自由斟。因為啲姊妹好鍾意多汁，係汁怪，主食嗰啲卡邦尼同埋南瓜汁已預先要求超級多汁，都完全冇問題。沙律啲餸好多，蟹柳都唔係得幾條，鋪滿成個面咁滯，凱撒沙律隻蛋同包粒好好味，嗰啲蘿蔔都會整成星星形。蛋沙律三文治、小丸子同瑞士雞翼最快俾人清晒！本身意粉同飯嘅份量都好多，然後真係勁爆多汁，啲汁多到幾乎滿瀉！汁怪姊妹表示非常滿意！但份量真係太多，大家最後都係食唔晒，有個姊妹鍾情卡邦尼就打包帶回家。估唔到傾流程要傾咁耐，我預傾個半鐘左右，點知我哋
佢個門口好難揾，喺兩幢大廈中間條巷入面，我家姐已經同我講過，我都搵咗一陣先搵到，有啲兄弟姊妹喺下面兜好耐都搵唔到，我哋要落去接佢哋。算準時去到，姊妹先試衫，個廁所好大好整齊乾淨同衛生，換衫都幾方便，但廁所得一個，輪住逐個試都搞咗好耐，不過伴郎有野做要遲到，試住衫等啱啱好，最後差不多1點半先齊人，開始一面食野一面傾。
兄弟姊妹互相唔識，費事煩，野食我一早order晒，上菜大家一齊食，野飲就一樽樽自由斟。因為啲姊妹好鍾意多汁，係汁怪，主食嗰啲卡邦尼同埋南瓜汁已預先要求超級多汁，都完全冇問題。
蛋沙律三文治
0 瀏覽
0 讚好
0 留言
小丸子，春卷
0 瀏覽
0 讚好
0 留言
蟹柳沙律
15 瀏覽
0 讚好
0 留言
凱撒沙律
14 瀏覽
0 讚好
0 留言
瑞士雞翼
12 瀏覽
0 讚好
0 留言
卡邦尼
16 瀏覽
0 讚好
0 留言
鴨胸南瓜汁飯
20 瀏覽
0 讚好
0 留言
沙律啲餸好多，蟹柳都唔係得幾條，鋪滿成個面咁滯，凱撒沙律隻蛋同包粒好好味，嗰啲蘿蔔都會整成星星形。蛋沙律三文治、小丸子同瑞士雞翼最快俾人清晒！本身意粉同飯嘅份量都好多，然後真係勁爆多汁，啲汁多到幾乎滿瀉！汁怪姊妹表示非常滿意！但份量真係太多，大家最後都係食唔晒，有個姊妹鍾情卡邦尼就打包帶回家。
估唔到傾流程要傾咁耐，我預傾個半鐘左右，點知我哋已經一面食一面傾，傾到4點幾，傾咗3個幾鐘！(全場最嘈係我哋) 傾完兄弟走先，姊妹留低傾遊戲，我喉嚨有啲唔舒服，但野飲叫晒凍飲，就問老闆娘有冇乜熱飲啱，老闆娘就推薦檸檬薑茶，有檸檬嘅清香又辣辣地，飲完幾舒服。
我哋一直傾到近6點，我要趕住同未來奶奶賀壽，逼住要閃先。我哋10人 無限飲 加花茶，埋單1308 ，未婚夫(現在是老公)俾1314 ❤️，好意頭！🤭 唯一唔好就係冇得簽卡賺積分！
張貼
