影片
更多
2020-01-12
23 瀏覽
今晚同朋友食咗間好有人情味嘅拉麵店，拉麵師傅同侍應都係一班年輕人，令整間食店充滿生氣同活力。我地用自動售票機買食券，然後將食券交俾店員，嗰刻覺得自己身處喺博多嘅拉麵店。我叫左個別天神套餐，前菜係小龍蝦蟹子沙律，龍蝦肉同蟹子撈埋一齊個味好夾，鮮甜可口，粒粒爽口彈牙，就咁食會覺得龍蝦味重左D，有香脆嘅紫菜包住味道恰到好處，係一道有驚喜嘅前菜。我食嗰碗係豚骨拉麵，豚骨湯底好濃郁，骨膠豐富，我相信師傅花左七、八小時以上才可淆到呢個濃度。幼麵條硬身有口感，配上半肥瘦嘅豚肉叉燒，肉質結實有彈性。還有我至愛嘅嫩滑溏心蛋和爽口嘅黑木耳，木耳可以吸收湯底嘅油脂，食得舒服。朋友喜歡海鮮湯底，點左碗蝦味增豚骨拉麵，櫻花蝦好鮮甜、好有嚼勁。櫻花蝦配豚骨湯底好出味，鮮味刺激了味蕾。櫻花蝦和粟米份量都多，朋友仲分左D俾為食嘅我。如鍾意濃味嘅湯底，設勿錯過！套餐還有餃子，果然係拉麵的最佳配搭，餃子皮薄，咬落去好juicy，個皮仲脆㗎！唔會煎到過咗火喉，熱辣辣，好味！另外店主有圖解教大家如何自行調製隱藏口味：例如七味粉+辣芽菜+蒜蓉=特辣版；拉麵汁+蒜蓉+辣芽菜=特濃版。所以喜歡重口味嘅朋友不妨挑戰一下。值得一讚嘅係
我地用自動售票機買食券，然後將食券交俾店員，嗰刻覺得自己身處喺博多嘅拉麵店。
我叫左個別天神套餐，前菜係小龍蝦蟹子沙律，龍蝦肉同蟹子撈埋一齊個味好夾，鮮甜可口，粒粒爽口彈牙，就咁食會覺得龍蝦味重左D，有香脆嘅紫菜包住味道恰到好處，係一道有驚喜嘅前菜。
我食嗰碗係豚骨拉麵，豚骨湯底好濃郁，骨膠豐富，我相信師傅花左七、八小時以上才可淆到呢個濃度。幼麵條硬身有口感，配上半肥瘦嘅豚肉叉燒，肉質結實有彈性。還有我至愛嘅嫩滑溏心蛋和爽口嘅黑木耳，木耳可以吸收湯底嘅油脂，食得舒服。
朋友喜歡海鮮湯底，點左碗蝦味增豚骨拉麵，櫻花蝦好鮮甜、好有嚼勁。櫻花蝦配豚骨湯底好出味，鮮味刺激了味蕾。櫻花蝦和粟米份量都多，朋友仲分左D俾為食嘅我。如鍾意濃味嘅湯底，設勿錯過！
套餐還有餃子，果然係拉麵的最佳配搭，餃子皮薄，咬落去好juicy，個皮仲脆㗎！唔會煎到過咗火喉，熱辣辣，好味！
另外店主有圖解教大家如何自行調製隱藏口味：例如七味粉+辣芽菜+蒜蓉=特辣版；拉麵汁+蒜蓉+辣芽菜=特濃版。所以喜歡重口味嘅朋友不妨挑戰一下。
值得一讚嘅係店主非常貼心，為客人提供了生理鹽水濕紙巾同保護自己嘅咭套，見到posters同客人memo寫嘅感想不禁眼泛淚光，睇得出大家都好熱愛香港。欣賞呢間良心食店嘅人情味！香港人加油！
張貼
