影片
更多
2017-10-01
1242 瀏覽
今日一家人黎到呢間家庭式韓國餐廳。地方雖然比較細，但餐廳每一個角落都放置了韓式小擺設。由於是家庭式經營，在店的一角更放置了老闆和老闆娘女兒和孫子的照片！完全感受到家庭的溫暖和滿滿的愛💕。我們點了炸雞、牛肉和豬肉紫菜卷、海鮮煎餅、牛肉火鍋、豬手。炸雞甜度辣度剛剛好，外脆內軟，一咬入面仲留有肉汁，唔會炸到入面好乾食。因為太好食，忍唔住又叫多一碟。紫菜卷比較普通，味道唔太夠。海鮮煎餅好足料，怱和海鮮份量剛剛好！配堆佢個醬汁一齊食真係好好味😋。牛肉火鍋都好好味。火鍋有牛肉、蔬菜、蘿蔔、菇、粉絲。牛肉醃得夠味又嫩口，湯底好清甜。平時出面食果d韓式火鍋通常個湯底做到好咸，但呢個就唔會，忍唔住要飲埋d湯。老闆同老闆娘超好人，送埋年糕同即食麵俾我地食！真係超窩心。最後黎埋個豬手！一見到個豬手真係哇一聲。超大碟！老闆娘好好人，仲同我地講要點樣食個豬手。原來韓國人慣用生菜包豬手食。包既步驟係要先拎生菜，之後再將豬手沾d蒜末醬，再放生蒜頭加辣醬包埋一齊食。😋😋係咪聽到都流曬口水先。成餐飯都食得好開心，野食好好味份量又足！老闆、老闆娘同員工都超有愛！真心推介大家黎試呀！P.s. D野食太好食，完全唔記得要影相
地方雖然比較細，但餐廳每一個角落都放置了韓式小擺設。由於是家庭式經營，在店的一角更放置了老闆和老闆娘女兒和孫子的照片！完全感受到家庭的溫暖和滿滿的愛💕。
我們點了炸雞、牛肉和豬肉紫菜卷、海鮮煎餅、牛肉火鍋、豬手。
炸雞甜度辣度剛剛好，外脆內軟，一咬入面仲留有肉汁，唔會炸到入面好乾食。因為太好食，忍唔住又叫多一碟。
紫菜卷比較普通，味道唔太夠。海鮮煎餅好足料，怱和海鮮份量剛剛好！配堆佢個醬汁一齊食真係好好味😋。
牛肉火鍋都好好味。火鍋有牛肉、蔬菜、蘿蔔、菇、粉絲。牛肉醃得夠味又嫩口，湯底好清甜。平時出面食果d韓式火鍋通常個湯底做到好咸，但呢個就唔會，忍唔住要飲埋d湯。老闆同老闆娘超好人，送埋年糕同即食麵俾我地食！真係超窩心。
最後黎埋個豬手！一見到個豬手真係哇一聲。超大碟！老闆娘好好人，仲同我地講要點樣食個豬手。原來韓國人慣用生菜包豬手食。包既步驟係要先拎生菜，之後再將豬手沾d蒜末醬，再放生蒜頭加辣醬包埋一齊食。😋😋係咪聽到都流曬口水先。
成餐飯都食得好開心，野食好好味份量又足！老闆、老闆娘同員工都超有愛！真心推介大家黎試呀！
P.s. D野食太好食，完全唔記得要影相🙈🙈
張貼