滿屋廚房 (已結業)

昨天和太太、BB滿心歡喜去試吓呢一間親子餐廳。見到門外一片童話色彩，原本仲好高期望，點知全部都係失望。入到去發現原來除咗門口對住買精品的counter外，裏面冷冷清清，連侍應都唔多一個，已經開始心知不妙。作為親子餐廳，裏面位置非常狹窄，根本冇地方比小朋友走動，或者擺BB車。我哋叫咗兩份牛角包餐，餐牌見到好靚，以為好大份，但係來到時嘅時候托盤只係比手掌大少少，根本唔夠食。沙律菜仲係變咗味。兩份餐，一份要等15分鐘，第二份差唔多35分鐘先來。真係當我地食完嘅時候，已經差唔多開始肚餓，一定唔會再嚟。