影片
更多
2023-11-12
71 瀏覽
啱啱秋風起，又想食香港人一年365日都鍾意嘅打邊爐。今次去咗九龍城同撈同煲（銅鑼灣店）。我哋5:30嚟到，由於時間尚早，有好多位可以揀。侍應帶我地係舒服嘅卡位坐低咗。店內裝修好有香港懷舊特色。霓虹燈，公雞碗，綠色窗框，紙皮石階磚等等，帶我哋搭時光機回到昔日嘅香港。侍應喺我哋面前用熱水將餐具再清洗一次，令我哋食得安心。我哋點咗以下嘢食.胡椒豬肚少爺雞湯：有兩大舊豬骨喺胡椒湯鍋入邊。再有半隻無激素雞另上。湯底滾起，侍應幫我哋將半隻雞放入湯鍋入邊，叫我哋4分鐘之後就可以品嚐啲雞先，之後飲完個湯後再加湯做火鍋湯底。我哋跟住侍應所講既去做，啲雞真係好滑。胡椒味好香，但又唔會太勁搶晒啲味同唔會太辣。豬肚冇怪味，厚身，爽嫩，易咬開。其實淨係食完呢個鍋都已經飽飽地。黑松露墨魚滑拼蟹籽蝦滑：兩個滑都好彈牙新鮮。蝦滑拼埋蟹籽啲粒粒，咬落更加卜卜聲。而黑松露同墨魚既味道好夾（一個味道好搶，一個味道清鮮），黑松露一擺入口已經好香。鳳城水餃：一口一粒，入面嗰啲蝦好新鮮爽口，配搭埋木耳絲，口感更加豐富。特級手切牛肉（大）：雪花分布均勻。牛肉味濃，鮮嫩易咬開。老友鬼鬼（小食）：其實即係黑松露墨魚滑，釀喺油炸鬼入邊再
我哋5:30嚟到，由於時間尚早，有好多位可以揀。侍應帶我地係舒服嘅卡位坐低咗。
店內裝修好有香港懷舊特色。霓虹燈，公雞碗，綠色窗框，紙皮石階磚等等，帶我哋搭時光機回到昔日嘅香港。
侍應喺我哋面前用熱水將餐具再清洗一次，令我哋食得安心。
我哋點咗以下嘢食.
胡椒豬肚少爺雞湯：有兩大舊豬骨喺胡椒湯鍋入邊。再有半隻無激素雞另上。湯底滾起，侍應幫我哋將半隻雞放入湯鍋入邊，叫我哋4分鐘之後就可以品嚐啲雞先，之後飲完個湯後再加湯做火鍋湯底。我哋跟住侍應所講既去做，啲雞真係好滑。胡椒味好香，但又唔會太勁搶晒啲味同唔會太辣。豬肚冇怪味，厚身，爽嫩，易咬開。其實淨係食完呢個鍋都已經飽飽地。
黑松露墨魚滑拼蟹籽蝦滑：兩個滑都好彈牙新鮮。蝦滑拼埋蟹籽啲粒粒，咬落更加卜卜聲。而黑松露同墨魚既味道好夾（一個味道好搶，一個味道清鮮），黑松露一擺入口已經好香。
鳳城水餃：一口一粒，入面嗰啲蝦好新鮮爽口，配搭埋木耳絲，口感更加豐富。
特級手切牛肉（大）：雪花分布均勻。牛肉味濃，鮮嫩易咬開。
老友鬼鬼（小食）：其實即係黑松露墨魚滑，釀喺油炸鬼入邊再炸。油炸鬼炸得好脆，再配埋彈牙嘅黑松露墨魚滑，外脆內軟。
懷舊蝦多士（小食）：蝦滑釀喺方包上面再炸，方包炸得透身，好香口。做小食一流。
啫喱（贈送）：侍應會問你要唔要花奶。有一把可以收得埋嘅紙傘，喺啫喱上面，好得意，好懷舊. 真係好多年都冇見過。
懷舊糖不甩（贈送）：呢個好特別。侍應會帶兩條金魚仔（糖不甩未加熱前嘅樣）過嚟你面前，再放金魚仔喺頭先個湯底入邊加熱至個心軟熟。跟住就會剪開金魚仔做一粒粒，再在表面加上花生碎同糖，就完成新鮮熱辣嘅糖不甩喇。花生粒有大有細，襯埋軟熟嘅糖不甩，口感豐富。
張貼
