Library Restaurant and Bar

營業中

休息中

朋友介紹過銅鑼灣有個好適合打卡既餐廳，今日去試吓。一入去就似係踏入一個文學氛圍濃厚嘅圖書館，燈光溫馨，門口已經有打卡位。我地試咗幾款嘢食。貓耳朵粉好有咬口，再加上茴香同辣味，加上本身蕃茄式既味道好開胃。味道濃郁，幾正!薯波外脆內軟，簡單既前菜反而唔係太多餐廳做得好，喱到既薯波相對大粒，而且食得出唔係急凍貨。意大利肉丸鮮嫩多汁，香料味道到位唔會搶左肉丸既味道，配埋面包食一流。意大利飯既菇香味好濃，上面有chedder cheese cream 同意大利飯完美結合,每啖都滲透菇汁同cheese既濃郁。野飲方面，餐廳有好多特別嘅酒款，每款都有獨特故事同原料，用Menu詳細介紹就好似睇書咁。我地試咗「四大美人」同「藏頭詩」🤣，味道都係比較清新，店員介紹藏頭詩喱個名其實既係用咗幾款材料嘅第一個字母(Pages)砌埋而命名嘅。而四大美人就比較重生果味，有荔枝檸檬梨等混合嘅味道，酒味唔算太烈，好岩女仔飲。餐廳出面仲有露天位置，見到唔少女仔都係咁影相，真係拍拖一流既地點。