品曲奇 (利園二期) (已搬遷) 新店位置

※本文以用餐當日的環境、服務和食物質素為準，口味亦因人而異，文章只作參考之用。-第一次食到香港本土新品牌PIN的曲奇，剩係睇到新潮包裝已經別有一番心思，厚實既硬卡紙盒，印上摩登既圖案和顏色，仲有紅色提袋，拎黎送禮絕對唔失禮！上網訂購仲可以依喜好拼出最岩口味的曲奇禮盒！曲奇分別有八種口味，XO醬、七味粉、香辣蝦米、蔥油雞、紅棗、提子花旗蔘、陳皮子薑和杏脯迷迭香。都係充滿香港特色既口味，外面較少見到既味道，有一定既吸引力。雜錦口味 $208香辣蝦味曲奇 $228包裝盒像小櫃子般拉開來，裡面分別有8款口味的曲加（每款口味有三片），每片獨立包裝，乾淨企理，可以先小試牛刀，睇下邊款最岩口味！蔥油雞口味係令我最期待，曲奇食落酥香，香蔥既味道頗突出，有驚喜；香辣蝦米，真係有隻蝦米仔係曲奇上面增加香氣，加上入口微辣既味道，很惹味又不會很辣；陳皮子薑食食下，都會隱約有種甘甘的薑味滲透出黎，怕薑既人食都無問題；而紅棗同杏脯迷迭香，係甜甜的口味，仲會食到乾果肉，好食。