Shahrazad Lebanese Dining Lounge & Bar

朋友推介一間黎巴嫩餐廳，今晚終於去左，一踏入餐廳已經感受到異國情調，以寶藍色為主調，角落放住全銅裝雕花燈，窗花設計有特色，沙發凳放住色彩鮮明咕𠱸。夜晚仲有舞蹈表演，氣氛好好。Lebanese Makanek自家製香料羊肉香腸、烤孜然、檸檬大蒜醬羊肉香腸味道濃郁，混合左多種香料製作，配搭風味獨特嘅烤孜然同埋酸酸哋嘅檸檬大蒜醬，每一口都充滿層次感。Lahma Bil Fasolia慢煮美國頂级牛肋骨、青豆美國頂级肋骨燉煮得非常軟淋，肉香味濃郁，口感柔軟，搭配健康又美味嘅青豆。Tagine Bamia Bil Lahm慢煮秋葵、羊肩、番茄醬慢煮羊肩肉入口柔軟，口感豐腴，配搭酸酸甜甜既番茄醬，與清新既秋葵，口感豐富。Grilled Beef Skewer 醃120天穀飼牛柳、辣椒、百里香牛柳脂肪分佈均勻，烤至微焦，肉嫩多汁，百里香獨特既芳香與牛柳既肉香完美融合。One Thousand One Night以Prosecco為基底酒，加入荔枝、玫瑰、柑橘、迷迭香，玫瑰既花香漸漸滲透，口感清新而甜蜜。