天 · 悠蔬食 (已結業)

商場內最有童真嘅餐廳，顏色柔和，全店放滿公仔，童真返晒黎。千島醬牛油果薄餅Pizza 視覺上好豐富，放了蕃茄、紫椰菜、沙律菜，牛油果，芝士，青瓜、菠蘿，我鍾意佢千島醬唔會過多，而且pizza 嘅皮都係薄，唔濃味亦唔膩。咸香茄子猴頭菇栗子豆腐煲這款素食味道濃郁(就像魚香茄子咁野味)猴頭菇有咬口(似豬肉)茄子同豆腐夠入味 ，栗子增添口感。焗蓮蓉西米布甸熱嘅蓮蓉西米布甸，味道比較濃，配搭士多啤梨片，感覺清新。焗蘋果酥皮盒酥皮入口脆脆的，裡面的蘋果同提子乾有肉桂嘅香味，本身味道係酸酸，但配搭左自家製嘅奶，倒落去之後，甜甜的平衡番果蓉嘅酸味。洋甘菊花果茶(配蜜糖)洋甘菊有一種淡雅嘅清香，蜜糖滋潤的一點甜，令洋甘菊飲落更幽香。