Sam’s Kitchen (已結業)

以前喺倫敦讀書, 好鍾意食英式鬆餅, 但返到嚟香港之後, 除咗喺屋企自己整之外, 出街好難搵到好味嘅scones (英式鬆餅)。如果同我一樣都鍾意食英式鬆餅, 我最近會推薦呢間😍！ 🇬🇧主打英式甜點: 自家手工製無添加果醬、英式牛油鬆餅。水果手工鬆餅, 每日新鮮製作。今期自家製果醬有🇰🇷韓國草莓果醬、柚子果醬。果醬可以搭配多士, 用嚟沖茶飲都得~ 食scones一定要搭配clotted cream同士多啤梨醬🍓！英式鬆餅中間夾住新鮮士多啤梨、草莓果醬、clotted cream。英式鬆餅表層焗至金黃色, 入口鬆軟濕潤, 中間柔軟。雖然係凍食, 但唔會係好粉嗰啲。整體鬆化, 拎上手唔易鬆散, 唔會食到周圍都係餅碎。英式鬆餅嘅牛油味唔會太重🧈, 相對冇咁膩。即使拎上手食, 亦唔覺得太油膩。Clotted cream好軟滑, 奶香濃郁, 再搭配果醬, 味道層次更豐富!推薦自家製草莓果醬 👍🏻 ！用上韓國士多啤梨🍓, 味道鮮甜, 無添加, 純手工製作, 係新鮮士多啤梨嘅味道, 比平時食開嘅草莓果醬冇咁甜。我仲額外加多啲果醬落我個鬆餅上面, 我一路食, 一路係咁讚佢啲果醬超好味的呢😋！