影片
更多
2024-03-20
474 瀏覽
淨係睇餐廳門面完全諗唔到呢間係一間無五辛、無蛋奶嘅素食cafe！因為呢間cafe充滿童真，入到去會俾不同種類嘅模型玩具包圍，首個映入眼簾嘅就係1:1嘅路飛模型！Cafe四邊牆上都佈滿玩具模型，好震撼啊！小朋友嚟到一定好鍾意！連廁所都佈置了玩具掛飾，幾surprise！加分👍🏻好啦講返食物先～如果想食西餐又想要純素，無五辛、無蛋奶，我會推介你嚟呢度 ，佢哋堅持所有出品都係純素，無五辛、無蛋奶，好適合食素嘅人士，就算唔係食素嘅都十分建議你嚟試試，會令你對素食改觀，原來純素都可以咁好味！Cafe有全日餐、午餐、下午茶等選擇，有意粉🍝、意大利飯、漢堡包🍔薯條🍟、沙律🥗等主食，另有甜品🍰咖啡☕️⭐️蘑菇忌廉意飯👍🏻👍🏻👍🏻👍🏻 睇落平平無奇嘅意大利飯，以為係同普通嘅意大飯差唔多，竟然令我好surprise，一喺入口已經覺得好鮮甜，忌廉嘅味道同其他餐廳唔同，有種好清新嘅感覺，令人一啖接一啖，又唔會有種好膩嘅感覺。平時食忌廉意粉、意飯，食食下好快會覺得膩，要飲啖水清吓口腔先可以繼續食，甚至乎會食到一半就唔想食我竟然可以不停咁食晒呢個蘑菇忌廉意飯，而且一粒飯都冇淨低！真係太好食啦後來主廚好nice過嚟
Cafe四邊牆上都佈滿玩具模型，好震撼啊！小朋友嚟到一定好鍾意！
連廁所都佈置了玩具掛飾，幾surprise！加分👍🏻
好啦講返食物先～
如果想食西餐又想要純素，無五辛、無蛋奶，我會推介你嚟呢度 ，佢哋堅持所有出品都係純素，無五辛、無蛋奶，好適合食素嘅人士，就算唔係食素嘅都十分建議你嚟試試，會令你對素食改觀，原來純素都可以咁好味！
Cafe有全日餐、午餐、下午茶等選擇，有意粉🍝、意大利飯、漢堡包🍔薯條🍟、沙律🥗等主食，另有甜品🍰咖啡☕️
蘑菇忌廉意飯
$58
23 瀏覽
0 讚好
0 留言
⭐️蘑菇忌廉意飯👍🏻👍🏻👍🏻👍🏻
睇落平平無奇嘅意大利飯，以為係同普通嘅意大飯差唔多，竟然令我好surprise，一喺入口已經覺得好鮮甜，忌廉嘅味道同其他餐廳唔同，有種好清新嘅感覺，令人一啖接一啖，又唔會有種好膩嘅感覺。平時食忌廉意粉、意飯，食食下好快會覺得膩，要飲啖水清吓口腔先可以繼續食，甚至乎會食到一半就唔想食
我竟然可以不停咁食晒呢個蘑菇忌廉意飯，而且一粒飯都冇淨低！真係太好食啦
後來主廚好nice過嚟問我啲食物如何，我都忍唔住大讚個意飯好好食，同我出面食嘅好唔同！主廚好細心講解呢個蘑菇忌廉意飯係用燕麥奶、海帶湯等材料煮成，中間嘅材料我聽唔晒，因為仲回味緊剛才食完嘅意飯😂😂😂sorry呀
難怪個意飯鮮甜得來又有種清香，但又食唔出係咩味，好在迷團解開！原來用燕麥奶都可以煮意飯，效果仲出奇地好味讚
美式炸薯條
$16
17 瀏覽
0 讚好
0 留言
⭐️美式炸薯條👍🏻👍🏻👍🏻
新鮮炸出嚟嘅薯條真係不一樣，熱辣辣好好味再加呢個自家調配嘅冇蜜糖嘅蜜糖芥茉醬，呢個蜜糖芥末醬雖然冇蜜糖，但都做到好似有蜜糖嘅芥末醬一樣
熱鮮奶咖啡
$25
13 瀏覽
0 讚好
0 留言
⭐️熱鮮奶咖啡👍🏻👍🏻👍🏻
呢杯咖啡飲得出有陣陣燕麥香，令咖啡味更濃郁，口感更豐富
店員好nice同我介紹呢度嘅咖啡同食物都係堅持用純素，無五辛、無蛋奶製造，咖啡用燕麥奶沖成，同出面嘅咖啡唔同。所有食物都係佢哋精心製造，包括蜜糖芥末醬、素肉丸、豆乳甜品等，都係自己手打、自己發酵。
好欣賞佢哋對純素嘅堅持同認真，而且無論廚師抑或店員都好用心去透過講解食物去推廣純素食文化，打破傳統素食觀念，原來純素、無五辛、無蛋奶嘅食物都可以做到咁好味，值得更加多人來體驗純素、無五辛、無蛋奶嘅生活
下次我一定要再嚟試埋其他食物！
張貼
