阿升麵線 (已結業)

師傅成日覺得香港人創意唔夠, 不過抄野就真係抄得好快, 特別係食店, 只要見到邊一類稍為大受歡, 就會好快成巷成市都係; 好似早幾日師傅一條友出旺角搵野食, 喺漫無目的嘅情況下行, 見到呢間食店, 心諗應該係食住阿土條水而開嘅食店, 見佢新新地又未試過, 就試一試佢啦!行到埋去就柯打一碗細嘅大腸麵線, 等左一陣就有得食, 食之前先加少少辣炸菜同辣菜甫; 之後師傅第一時間即食, 先試一啖, 熱辣辣而味道都可以, 再攪勻d辣配菜, 發覺配菜非常辣, 辣中又帶少少爽口, 不過師傅自問都食得辣, 但都有少少頂唔順; 而大腸份量都幾多, 入口煙煙韌韌, 口感都不錯; 而碗麵線就撈極都撈唔起咁, 次次都淨係撈到d湯, 感覺麵線水準一般, 相比之下師傅始終覺得阿土較佳!總括黎講麵線質素一般, 服務可以, 而價錢唔貴, 十二蚊一碗細嘅, 未試過都可以一試; 不過整體黎講師傅始終覺得阿土比較好, 未知是否先入為主呢? 再黎機會唔大, 笑臉都比唔到!