程班長台灣牛肉麵 (已結業)

星期六, 比預計情況早了放工, 於是便特地的走來銅鑼灣廣場, 來試一下呢一間所謂過江龍的台灣牛肉麵.好多人話好食, 好多人話唔好食. 既然出現呢一D情況. 點都要親身試下才像話. 星期六近3點, 看見沒有人排隊, 不用等位, 這就是適當的時候入去品嚐一番. 入到去, 才明日平日的中午時段為何會大排長龍. 事因店未太細了, 又要打正大招牌做甜品, 又要請個班長黎買牛肉麵. 只能輕嘆一聲, 香港既殺校風波搞到連小食部也要合併, 斑長不單止要幫手派麵, 亦要賣埋甜品搵外快.叫了一個水餃牛肉麵. 星期六沒有套餐就索性唔飲野. 成$45一個麵餐, 一定要試下值唔值. 湯底是辣的, 不過挺油的, 牛肉, 味道是挺入味的, 不知道這是否程班長的特式牛肉, 像是骨邊的韌肉, 雖沒有筋, 但肉質韌同鞋. 味道好肉質不好, 而且我在台北食到的是鹵牛展肉. 感覺完全不同. 水餃, 皮厚, 感覺只是普通.只嚐一碗麵, 味道算是好, 比較特別, 也許, 就是這一個特別, 未必為港人所接受. 總覺得, 做過江龍餐廳, 先要了解一下當地飲食文化, 了解當地人的喜好, 再用自己的特式套入去. 相信會有更大回響.