梨泰院 (愉景新城) (已結業)

有一排無食韓國嘢又心思思想食下，今次去咗愉景新城呢間韓國餐廳，食邪惡嘢😈，俾佢個太陽芝士雞鍋吸引到~😛 餐廳環境舒適，坐位都好闊落，坐得幾舒服，服務都唔錯！落單後，店員好快就送上韓式前菜， 有醃酸青瓜、泡菜、 豆芽、魚糕、醃酸蘿蔔等和黑豆， 讓人胃口大開。1. 🐥 太陽芝士雞鍋 ($198+黑松露醬 $20）可以選有骨或無骨炸雞，我叫咗無骨炸雞，有齊4款口味炸雞🍗，分別有原味、蜂蜜柚子、芝士、甜辣醬炸雞，大約有16件，好大份!😋 即叫即炸，外皮炸到好酥脆，入面肉質嫩滑帶點肉汁，啖啖肉，再點埋熱辣辣嘅黑松露芝士醬，芝士醬係用咗巴馬臣同馬蘇里拉芝士製成，真係非常邪惡！🤪😈 芝士醬一路有小火加熱住，一直keep住熱辣辣，超級滿足!😌👍2. 🧀海鮮豆腐辣湯 ($98)呢個湯用熱鍋盛著，可以保持湯的溫度，有多款海鮮，包括大蝦、蜆、魷魚、豆腐粒，高麗菜等等，飲落辣辣地，辛辣又暖胃！😋3. 🍙 烤豬肉石鍋拌飯($88+芝士$10)材料好豐富，有豬肉碎、太陽蛋、紫菜、波菜、豆芽、香菇和翠肉瓜等等，好大碗，趁熱撈埋韓式甜辣醬就更惹味🌶 我仲加咗$10要芝士，熱溶芝士一夾起就會拉絲😛，食到底仲有焦香嘅鍋巴