瀛鍋

營業中

休息中

再次同朋友黎到九龍城火鍋。最鍾意呢度有兩層地方算大。樓上有幾間房間，啱晒成班人黎聚餐或者party。而樓下仲有個親子樂園區，有好多玩具，啱晒俾小朋友放電。食物份量夠大，點咗幾樣就夠飽了🥢鎮店水餃皇原隻鮮蝦、豬肉、木耳、荀絲等等，大大隻足料又好味，果然係必點招牌🫕菜膽鮮魚濃湯鍋揀左個限量供應湯底。成個湯都呈現奶白色，配料好多~ 白菜仔、魚角、魚腐、豆腐。既然魚湯，緊係先飲！魚湯魚味濃郁，飲得出係真材實料去熬，同時間唔多覺有味精。好好飲，飲多幾豌都得之後就加湯打邊爐，魚味入晒火鍋料，唔使沾醬都好味夠味。🥢牛豬羊拼盤🐮全部手切真係正好多，樣樣都食到。抵食之中，最正係牛肉超勁雪花，味濃又滑🥢火鍋丸子揀左幾款丸。當中最特出又最好味嘅係香芋丸同金沙流心魚蛋。真係好回味🥢椒鹽三文魚骨腩非常惹味，三文魚炸得酥脆香口，反而肉仲多過骨，正~🧋有機柚子梳打 / 百香果蜜梳打大大杯，清新又解膩