CJ Cafe (已結業)

炎炎夏日去游水曬太陽，其實可以去馬鞍山泳池，而開飯都可以係泳池附近。間嘢仲可以望到泳池裡面的。有十多種午餐，結果叫咗份十安士六成熟嘅肉眼扒，跟湯同凍飲盛惠150蚊。湯其實真係麻麻，有尐稀又無乜味咁，不過總好過無。凍咖啡就真係估佢唔到啦，又幾有啡味，呢個扺讚。主菜六成熟牛扒係落單不足十分鐘內就可以上枱，絶對係光速煮食，又諗住咁快有得食，肯L定一切開件扒就成碟肉汁，結果又無喎，仲原全鎖得死尐肉汁兼做到六成熟嘅肉質。係食落有小小炭味，又有小小𡁻頭，又有小小牛味，同埋有尐涼。就係夾夾埋埋晒以上之後就變成「唔係太好」。