上海包餃店 (已結業)

這間小店响我office嘅後面街，想光顧好耐了。今日行過，終於踏足一試。店子面積很細，只可以坐5至6個人。叫了二隻鍋貼，二隻生煎牛肉飽，一碗担担麵做午餐(好大食)。鍋貼同生煎飽係阿姐响店內親手製作，再落鑊用水生煎。味道清啖，唔會油膩，沒有那種味精口感。担担麵個湯底好清，少少辣，加上肉碎，花生同酸菜粒，好有口感。阿姐好有心機將那些材料堆砌成一個小丘。那份用心而有人情味的製作，絕對值得再試。P.S. : 生煎飽同鍋貼可自由配搭，四隻都係14元。