御膳

營業中

休息中

中秋節就到啦，因為好難就到晒咁多屋企人食飯，所以我哋一早就提早過節。朋友介紹呢間菜館免開瓶費、切餅費，仲可以自備飲品。另外，upload相上社交媒體，仲有汽水送😳我哋平時食開一般酒樓，都係啲平平無奇嘅菜式，食都食到厭……原來呢度可以按照我哋嘅要求加加減減啲菜式同埋口味。我哋一行人有幾位老人家，可以要求佢整得清淡啲。我哋叫咗2斤芙蓉蛋白蒸老虎斑，菜館已經幫我哋起咗肉，下面仲係燉蛋白，食落啖啖肉，夠晒滋味；八寶鴨，好彩我哋一早叫定，因為每日只有五隻；臘味糯米飯蒸大肉蟹，有飯又有蟹肉，好鮮味；開邊蒜蓉粉絲蒸澳洲龍蝦，好多蒜蓉呀，同埋隻龍蝦好夠新鮮啊，正！朋友介紹我哋呢間菜館真係無錯，因為好多嘢唔使加錢！除咗散叫，又有好多套餐選擇，小朋友嚟食又唔使計人頭，而且呢度主打食海鮮，所以我哋食嘅魚同埋龍蝦都好夠新鮮好好食！我哋下次一定會再嚟幫襯！