影片
更多
2024-01-04
126 瀏覽
收到太古城派leaflet開張優惠去咗幫親，我哋平時飲開湊湊，見新開就去幫親，之前都聽過同事話呢間嘢唔好飲，但我覺得口味係好個人嘅，佢覺得唔好飲，我未必一定會覺得唔好飲。買左2/1嘅優惠飲品7折連珍珠配料，由於之前係湊湊有經驗試過加錢要配料回家發現係無配料，呢種情況我會打番電話俾店鋪作記錄，下次返嚟幫親唔好收我配料錢，離開間鋪之前感覺好似有預感會忘記咗配料，於是我多口問多句，職員話有架。結果返到屋企老公倒出嚟係無配料，我哋習慣咗會倒係自己杯度飲。於是就打番電話去間鋪，當日女職員態度其實幾好，叫我返轉頭，我話我已經返到屋企啦，仲走多轉？於是我提議我返嚟再幫親就唔好收我配料錢，咁最公平啦！但個女職員態度好好，一直話唔緊要，明天妳過嚟我哋送返杯俾你，咁於是第二日放工行去拎杯嘢飲，都真係令我大開眼界。個男店長一嚟就盤問嘅姿態問你有無影相留低證據？我話琴日問咗你同事啦，佢話唔曬，妳最好問番你同事啦，費事以為我找笨！然後佢就話佢係店長，要跟流程，又要你簽名，又要你目睹佢有擺珍珠，真係人格侮辱啊啊啊。原來你哋係咁對個客，仲要係你哋嘅失誤引起，要我走多轉!!! 我開頭已經話你唔曬免費啦，我比番杯嘢飲錢
最後，杯桂花烏龍茶係ok嘅，好飲的。
張貼