Neway Karaoke Box (已搬遷) 新店位置

其實我係想講係九龍城係和平飯店舊址果間neway,佢地呢間同北角果間都係免費dinner buffet,都幾多野食唔駛錢o架喎!有生果&沙律bar(粟米,火龍果,蕃茄仔,罐頭荔枝等10種),火鍋bar(牛丸,麵,魚蛋等),大部份係得一輪有炒河炒飯,菜,蒸魚,咖哩魚蛋豬皮,蘿白牛腩,炸春捲炸蟹鉗,獅子狗捲,蝦,粟米蛋花湯,蕃薯糖水,至好味係冷盤-日式八爪魚,辣味魷魚仔,牛展同鴨腎都好正.不過講到地方就唔係好掂,佢地分2層,野食係3樓,我地係4樓唱,要行上行落羅野食,至唔掂係間房有味唔夠冷氣要開風扇,你話!d歌都新,1人$100蚊到啦(2drink).