阿波羅 (已結業)

細個嘅時候最鍾意就係食阿波羅雪糕不過後尾好似少咗好多分店偶然間發現原來安定有一間一於尋找下兒時味道！阿波羅乳酪雪糕同普通雪糕最唔同嘅地方就係佢係用新鮮生果雪做冰然後加入乳酪用機器攪勻所以係特別新鮮同健康因為冇乜加入化學野價目表如下以下價錢已經包左兩款生果好味啲嘅生果，例如芒果士多啤梨藍莓，會貴$5不過我覺得呢$5係好值得俾！今日我揀咗藍莓同芒果雖然賣相唔係太好不過仍然係好似細個嗰陣食嘅咁好食！每一啖乳酪雪糕都食到藍莓同芒果嘅果蓉下次再嚟安定都一定要再買