麒藝館 (已結業)

時代廣場麒麟藝館裝修環境華麗，有氣派！ 店員態度非常有禮親切， 主動介紹餐廳推介， 茶嘅選擇都有幾多！有四至五款，我開咗一壺桂花烏龍， 甘甜清香！好正， 回甘感覺非常強烈。鮑汁花膠撈飯， 花膠係麒麟館嘅重點菜式！ 果然住得非常嫩淋！ 肉質豐厚，口感爽脆！鮑汁濃濃掛在花膠外圍，超入味！ 花膠嘅片數幾多而且幾厚，送飯一流呀。 飯上有木魚絲做 topping, 更帶鮮香！層次感突出！蝦餃和燒賣， 蝦餃皮煙韌有彈性， 蝦肉亦非常新鮮，蝦肉堅係彈牙！餡料有筍更為爽口！好爽好爽。 配上特製辣汁，超級惹味。燒賣挺身，啖啖肉， 豬肉嘅肥瘦比例控制得非常好，和牛生煎包， 賣相可愛！ 內層嘅和牛肉相當濃味， so far呢幾樣款式性價比非常高！讚得一讚。