影片
更多
2021-03-14
454 瀏覽
難得假日就黎到沙田踩單車入大尾督（溫馨提示：如果想踩單車嘅朋友建議喺大尾督出發出返沙田，租單車錢會平好多，沙田去大尾督$100，大美督去沙田$40）。以前去親大尾督都係燒烤，今次就試吓新野食泰國餐廳。因為我哋好早就入座所以唔使等位，但後尾七點之後開始爆場，出邊仲有幾枱人要等。不過應該係因為假日所以先咁多人，所以如果大家想試嘅話，平日嚟應該會比較方便，假日仲會收加1服務費。呢間泰國餐廳嘅辣椒仔標準偏唔辣，即係有啲如果佢剩係得一條辣椒仔🌶，就真係一啲都唔辣。我哋嗌左個黃咖喱雞，佢食落去就好似葡汁咁樣，所以食得辣嘅朋友下次可以試吓多辣椒嘅菜式，例如青咖喱，記得要嗌返個薄餅。至於個冬陰功就味道正常，我自己鍾意偏酸嘅就會覺得佢唔夠酸，而辣度我諗都應該係得一條辣椒仔，啱晒唔可以食辣嘅人。個泰式拼盤最好食嘅就係嗰炸蝦餅，炸得好香口。春卷裏面係包住一啲粉絲，味道正常，不過好飽肚。嗰塊葉包住嘅係燒雞，炸得有少少乾身，不過味道可以嘅。至於個魚餅，我本人就覺得佢冇乜味，食落仲有少少腥，怕腥味嘅人要三思。成餐飯最好食最出色嘅係炒菜同泰式豬頸肉！馬拉盞通菜炒到啱啱好唔會過老，個汁又唔會太鹹唔會太辣，蒜蓉椰菜苗都
以前去親大尾督都係燒烤，今次就試吓新野食泰國餐廳。因為我哋好早就入座所以唔使等位，但後尾七點之後開始爆場，出邊仲有幾枱人要等。不過應該係因為假日所以先咁多人，所以如果大家想試嘅話，平日嚟應該會比較方便，假日仲會收加1服務費。
呢間泰國餐廳嘅辣椒仔標準偏唔辣，即係有啲如果佢剩係得一條辣椒仔🌶，就真係一啲都唔辣。我哋嗌左個黃咖喱雞，佢食落去就好似葡汁咁樣，所以食得辣嘅朋友下次可以試吓多辣椒嘅菜式，例如青咖喱，記得要嗌返個薄餅。
至於個冬陰功就味道正常，我自己鍾意偏酸嘅就會覺得佢唔夠酸，而辣度我諗都應該係得一條辣椒仔，啱晒唔可以食辣嘅人。
個泰式拼盤最好食嘅就係嗰炸蝦餅，炸得好香口。春卷裏面係包住一啲粉絲，味道正常，不過好飽肚。嗰塊葉包住嘅係燒雞，炸得有少少乾身，不過味道可以嘅。至於個魚餅，我本人就覺得佢冇乜味，食落仲有少少腥，怕腥味嘅人要三思。
成餐飯最好食最出色嘅係炒菜同泰式豬頸肉！馬拉盞通菜炒到啱啱好唔會過老，個汁又唔會太鹹唔會太辣，蒜蓉椰菜苗都炒得好夠火喉！泰式豬頸肉夠薄唔會太肥膩，出邊有好香脆，記得一定要點咖喱辣汁，個辣汁先係精華，不過辣椒仔指數偏高，我自己會俾佢三條辣椒仔🌶🌶🌶。
整體來講上菜速度都可以，服務態度幾好，食物嘅份量就正常。
泰式豬頸肉
10 瀏覽
0 讚好
0 留言
芭堤雅小食拼盤（大）
12 瀏覽
0 讚好
0 留言
菠蘿海鮮炒飯
12 瀏覽
0 讚好
0 留言
泰式金邊粉
8 瀏覽
0 讚好
0 留言
冬陰功湯（大）
11 瀏覽
0 讚好
0 留言
張貼
