影片
更多
2022-01-26
357 瀏覽
午市omakase ($480 + 10% → $528)2022年首訪鮨店就黎到依間位於炮台山﹑新開張無耐嘅「曦」，午市omakase包括12貫壽司，卷物﹑茶碗蒸，甜品或咖啡，就咁聽內容物再加上五百蚊嘅價錢已經覺得CP值爆燈！鮨店主打新鮮魚料，無咩花巧細節，簡單地為食客呈獻食材最純樸嘅模樣，絕對食得滿足。.❝真鯛清甜，肉質飽滿，紋路靚，作為第一貫壽司，加添檸汁有開胃作用。.❝帆立貝鮮甜，肉質厚實有彈性。醬油點綴下新鮮帆立貝上嘅紋路突出。.❝深海池魚池魚一向都受我喜愛，咬落爽口但1秒後口腔即時充滿魚油，口感細膩，層次感滿分。.❝根子依貫壽司首嚐紫菜水準，脆卜卜，咬落爽脆脷落。三文魚子飽滿無腥味。.❝鯖魚三切 ♥︎top 3♥︎係佢身上首嚐薑蔥調味，溫和唔搶風頭但搭配出色，魚料本身油香味極重。.❝鰆魚甘香，肉質厚重，不過算係比較少記憶點嘅一貫壽司～.❝池魚細切比起深海池魚調味比例更高，兩種唔同嘅口感同口味，同樣帶出池魚應有嘅濃郁油香。.❝赤貝用料新鮮，師傅有做拍打動作，稍稍收縮，肉質爽口﹑味道偏甜。依貫醬油有少少較為重手。❝鰤魚油脂豐腴，咬落質感似係種融化緊漁料嘅錯覺，色澤由嫩粉紅漸變到沉實
2022年首訪鮨店就黎到依間位於炮台山﹑新開張無耐嘅「曦」，午市omakase包括12貫壽司，卷物﹑茶碗蒸，甜品或咖啡，就咁聽內容物再加上五百蚊嘅價錢已經覺得CP值爆燈！鮨店主打新鮮魚料，無咩花巧細節，簡單地為食客呈獻食材最純樸嘅模樣，絕對食得滿足。
.
❝真鯛
清甜，肉質飽滿，紋路靚，作為第一貫壽司，加添檸汁有開胃作用。
.
❝帆立貝
鮮甜，肉質厚實有彈性。醬油點綴下新鮮帆立貝上嘅紋路突出。
.
❝深海池魚
池魚一向都受我喜愛，咬落爽口但1秒後口腔即時充滿魚油，口感細膩，層次感滿分。
.
❝根子
依貫壽司首嚐紫菜水準，脆卜卜，咬落爽脆脷落。三文魚子飽滿無腥味。
.
❝鯖魚三切 ♥︎top 3♥︎
係佢身上首嚐薑蔥調味，溫和唔搶風頭但搭配出色，魚料本身油香味極重。
.
❝鰆魚
甘香，肉質厚重，不過算係比較少記憶點嘅一貫壽司～
.
❝池魚細切
比起深海池魚調味比例更高，兩種唔同嘅口感同口味，同樣帶出池魚應有嘅濃郁油香。
.
❝赤貝
用料新鮮，師傅有做拍打動作，稍稍收縮，肉質爽口﹑味道偏甜。依貫醬油有少少較為重手。
❝鰤魚
油脂豐腴，咬落質感似係種融化緊漁料嘅錯覺，色澤由嫩粉紅漸變到沉實深紅色。
.
❝拖羅三切
師傅特意採用三切，以拖羅唔同部位拼湊組成三薄片，無渣而香濃。
.
❝馬糞海膽 ♥︎top 3♥︎
甘甜而綿密，黏附係口腔唔肯離開個種輕柔膩感，滿足度即時飆升。
.
❝右口魚裙邊手卷 ♥︎top 3♥︎
肉質滑溜，而且充滿整件漁料都充滿魚油，漁料表面有微微燒過，口感軟腍
.
❝茶碗蒸
比起壽司質素顯得平平無奇，正常發揮。內有日本芫荽，味道極溫和，平時連些微芫荽都頂唔順嘅我都接受到。
.
❝赤麵豉蝦湯
一打開碗蓋已經聞到陣陣海鮮鹹香味，飲落亦有蜆肉。同樣有日本芫荽。
.
❝提子冧酒雪糕
冧酒味道唔算突出，奶味濃郁，合我口味。
師傅講解店內舍利係由兩種米組成，一種質感偏硬而米香清淡，另一種質感軟腍而米香突出，使用兩種米係為咗平衝口感同米香，而兩種米受水程度又不一樣，所以調配比例係經過多番試驗﹑調整先呈現出今日食客見到嘅模樣。
.
舍利有使用赤醋預先調味，隱約帶微酸。每間鮨店嘅舍利秘方都唔一樣，搵到啱自己口味嘅都需要時間（同金錢）去慢慢試，而依到嘅舍利真係可以話係一擊即中地合我胃口：有咬口，有米香，唔會過份濕潤或乾身，酸味含蓄。
.
調味方面多貫壽司都以薑蔥﹑醬油為佐料，師傅會解釋某貫壽司落醬油比較輕手嘅原因，當下貫壽司有紫菜時，師傅都會貼心提醒影一張相就好食嘞～否則紫菜失去脆度就會影響口感。
.
❍ 㬢
銅鑼灣電氣道183號AIA Tower地下16號舖（入口係宏安道）
港鐵炮台山站A出口，步行約3分鐘
星期一至六 12:00 - 15:00 / 19:00 - 22:00
❍ 用餐提示
鮨店裝潢以淺木色系為主，鋪面唔算大，只設bar枱位置，可以招待大概10位食客。師傅有提及如果係女食客到訪會準備細件少少啲舍利，所以如果女食客想要大飯要事先同師傅講聲嘞。
.
到訪到日mic師傅有用心介紹魚料﹑留意食客反應，即使係對生客aka首訪嘅我都一樣專業又親切。食客對於漁料有咩問題都會細心解答，重視食客feedback，仲會係適當時間閒話家常，為整體用餐體驗加分。
.
❋ 致電91868938訂座
❋ 午市分為兩round，分別係12:00 - 13:30 & 13:45 - 15:00，今次係首輪時段到訪。
.
❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫
午市omakase ($480 + 10% → $528)
餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♥︎♥︎♥︎♥︎
店舖環境 | ♥︎♥︎♥︎♥︎♥︎♥︎♥︎♥︎♡♡
用餐體驗 | ♥︎♥︎♥︎♥︎♥︎♥︎♥︎♥︎♥︎♡
推薦程度 | ♥︎♥︎♥︎♥︎♥︎♥︎♥︎♥︎♥︎♡
適合場景 | 首嚐omakase﹑朋友聚餐
張貼
