Pierce Chicken (已結業)

今日又是夜收工, 一個人走上黎Soho找找有沒有好野食. 其實中環後山有很多小食快餐, 但向來覺得冇人, 冇客, 除非好想試, 都唔會入. 今次入黎都係因為, 好想試!店主小姐好主動招呼我這個獨行客, 不斷介紹她們有什麼不同的雞, 有炸, 有焗, 有辣, 有唔辣. 叫了她們最普通的Wing Zings and Wing Dings, 中文譯永勝, 有點兒江湖Feel , 小姐亦讓我做個Mix and Match, 辣(Wing Zings)同唔辣(Wing Dings). 本來以為要散叫, 但佢Offer左個Combo, 加了個雞條.這兒有個很特別的炸爐, 沒油沒煙沒有Feel到佢炸......好似放落個自動售賣機裡面, 等幾分鐘自動跌出黎.由賓姐端上的雞翼雞條, 沒有油, 但看得出是炸的, 換著是家鄉出品, 應該是成手油的, 在其外賣單中得知, 其食物的 Trans Fat 0g......, 對雞條的欣賞, 勝過雞翼, 乾身得黎又口感不乾. 那個特製爐的出品果然有別於人.得我一個客, 亦知我黎試食, 小姐叫我食飽俾個Comment, 當面稱讚完畢, 回家撰寫一文再讚之.