Jo Jo Indian Cuisine

營業中

休息中

通常去到銅鑼灣灣仔， 食飯時通常第一時間諗起銅鑼灣，因為感覺餐廳 款式較多， 但原來灣仔都有好多值得試的餐廳， JoJo Indian Cuisine絕對係其中之一， 原來品牌由1985成立， 這個舖位亦都用咗五年。 印度人經理相當熱情好 客，同我哋介紹好多菜式： 風味雞肉 經理解釋 英文名叫chicken 65的原因， 係因為呢道菜經歷65次試菜， 先至完成呢個滿意版本。味道香辣，加入芥辣子， 洋蔥，香葉進一步提升這菜式的香辣層次。 牛油雞咖哩 獲大力推薦的菜式， 果然名不虛傳。 醬汁煮得非常杰身香滑， 每一啖都滲出牛油，蕃茄和咖哩嘅香味， 雞肉新鮮軟滑， 配搭烤餅食一流。洋蔥薯仔烤餅 將烤餅逐層打開會見到大量洋蔥和薯仔粒， 外皮香脆內裏煙韌， 咀嚼期間將薯仔洋蔥香氣逼入口腔， 好食！雞腿炒飯自問成日食印度菜的我除了淨印度飯，都未食過有印度米的其他菜式， 今次就試過雞腿炒飯。 與其說是炒飯， 更接近是雞肉燉飯， 飯每粒都充滿香料味， 將雞肉和飯放入一個類似盅的容器， 雞香滲入飯中。 所這「炒飯」的飯才是主角。芒果乳酸香芒味非常濃郁， 帶有果味的少少酸度，解辣之餘亦更突顯用上真材實料。